Ливерпул бош мураббийи Арне Слот Англия Премер-лигаси доирасида Челси жамоасига қарши бўлиб ўтадиган баҳс олдидан жамоанинг асосий таркиби ҳақида ижобий янгиликларни маълум қилди. Хусусан, ҳужумчи Алехандер Исак машғулотларга қайтгани ва яқинлашиб келаётган ўйинда таркибга киритилиши мумкинлиги тасдиқланди. Бу ҳақда Goal.com хабар беради.
Ибраҳима Конате ва Флориан Виртс билан боғлиқ хавотирлар ҳам ўз тасдиғини топмади. Арне Слотнинг таъкидлашича, Конате шахсий сабабларга кўра машғулотларни ўтказиб юборган, Виртз эса енгил шамоллашдан сўнг яна умумий гуруҳга қўшилган. Ҳар икки футболчи ҳам шанба кунги муҳим учрашувда майдонга тушишга тайёр.
Дарвозабонлар чизиғида эса вазият бироз мураккаброқ. Алиссон Беккер ҳали ҳам жароҳатини даволамоқда, бироқ Гиорги Мамардашвили кутилганидан тезроқ сафга қайтиши мумкин. У бугун илк бор машғулотларда қатнашди.
Шунингдек, Муҳаммад Салахнинг ҳам жароҳатдан тикланиш жараёни якунига етиб қолган. Арне Слот жамоанинг асосий таркиби аста-секин тўлиқ шаклланиб бораётганидан мамнунидан мамнунлигини билдирди.
“Zamin”ни Telegram'да ўқинг!
