ЖЧ-2026. Аргентина Мисрга қарши суперкамбэк қилиб, чоракфиналга чиқди

ЖЧ-2026 1/8 финалида Аргентина миллий жамоаси Мисрни драматик тарзда мағлуб этди. Икки тўп фарқи билан ортда бораётган амалдаги чемпион сўнгги 12 дақиқа ичида учта гол уриб, 3:2 ҳисобида ғалаба қозонди.

Ҳал қилувчи гол 90+3-дақиқада Энцо Фернандес томонидан киритилди.

Миср Аргентинани шок ҳолатига туширди

Учрашувнинг 15-дақиқасида Иброҳим ҳисобни очиб, Мисрни олдинга олиб чиқди.

21-дақиқада Аргентина ҳисобни тенглаштириш имкониятига эга бўлди, аммо Лионель Месси пенальтидан унумли фойдалана олмади.

67-дақиқада Зико иккинчи голни урди ва Мисрнинг устунлигини янада мустаҳкамлади — 0:2.

Ромеро камбэкни бошлаб берди

Аргентина учрашувнинг сўнгги қисмида босимни кескин оширди.

79-дақиқада Кристиан Ромеро ҳисобдаги фарқни қисқартирди. Орадан тўрт дақиқа ўтиб, Месси аниқ зарба билан мувозанатни тиклади — 2:2.

Амалдаги чемпион шу билан тўхтаб қолмади ва ғалаба голи учун ҳужумларни давом эттирди.

Энцо сўнгги дақиқада қаҳрамонга айланди

90+3-дақиқада Энцо Фернандес рақиб дарвозасини ишғол қилиб, Аргентинага драматик ғалаба келтирди.

Шу тариқа, Лионель Скалони шогирдлари 0:2 ҳисобини 3:2 га айлантириб, суперкамбэк эвазига чоракфиналга йўл олди.

ЖЧ-2026. 1/8 финал

Аргентина — Миср 3:2

Голлар: Ромеро, 79; Месси, 83; Энцо Фернандес, 90+3 — Иброҳим, 15; Зико, 67.

Фойдаланилмаган пенальти: Месси, 21.

Аргентина: Эмилиано Мартинес, Молина (Монтиел, 73), Ромеро, Лисандро Мартинес, Таляфико (Гонсалес, 66), де Паул (Линсадро Мартинес, 66), Макаллистер, Фернандес, Паредес, Месси, Алварес.
Миср: Шобейр, Рабия, Иброҳим, Ҳани, Ҳафез, Ашур (Фатҳи, 46), Аттия, Лашин, Зико, Салоҳ, Ҳассан (Трезеге, 73).

Аргентина мағлубият ёқасидан қайтди ва чемпионлик характери борлигини яна бир бор кўрсатди. Миср эса тарихий натижага жуда яқин келган бўлса-да, сўнгги дақиқаларда устунликни сақлаб қола олмади.