«Манчестер Сити» мавсум стартида 5та ўйинда «қуруқ ғалаба» қайд этиш бўйича «Челси» рекордини янгилади

«Манчестер Сити» жамоаси АПЛнинг 5-турида «Кристал Пелас»ни 1:0 ҳисобида мағлуб этди ва ўзининг ғалабали сериясини давом эттирди.

Бу орқали «шаҳарликлар» ўз дарвозасидан гол ўтказмаган ҳолда 5та ғалабали ўйин қайд этишди. Бундан олдин шундай натижага Лондоннинг «Челси» жамоаси 2005-06 йиллар мавсумида эришганди.

Пеллегрини шогирдлари АПЛнинг янги мавсумидаги олдинги 4 тур давомида «Вест Бромвич» (3:0), «Челси» (3:0), «Эвертон» (2:0), «Уотфорд» (2:0) жамоалари билан ўйинларда «қуруқ ғалабалар» қайд этганди.

Шунингдек, жамоа кетма-кет 6та ўйинда гол ўтказмаслик бўйича ўз рекордини ўрнатди. Ўтган мавсумнинг охирги турида «Саутгемптон» жамоаси устидан 2:0 ҳисобида қозонилган ғалаба билан қўшиб ҳисоблаганда жамоанинг "қуруқ серияси" 6та ўйиндан иборат бўлиб турибди. «Замин»ни Telegram’да ўқинг!