Умид Аҳмаджонов: "Халқимиз футболдаги катта ғалабаларни кутмоқда"

1 дақиқа ўқиш5.4K
Умид Аҳмаджонов: "Халқимиз футболдаги катта ғалабаларни кутмоқда"
Бугун Тошкент шаҳридаги "Miran" меҳмонхонасида Ўзбекистон олимпия терма жамоасини Хитойда бўлиб ўтадиган Осиё чемпионатига кузатиш маросими бўлиб ўтди.

Маросимда Ўзбекистон футбол федерацияси президенти Умид Аҳмаджонов , федерация масъуллари, мураббийлар, футболчилар ва ОАВ ходимлари иштирок этишди.

Тадбир давомида ЎФФ президенти Умид Аҳмаджонов мураббий ва футболчиларга мурожаат қилар экан, жумладан, қуйидаги фикрларни билдириб ўтди:

"Янги йилдаги илк нуфузли мусобақа арафасида турибсизлар. Бу мусобақада Сизлардан фақат ва фақат ғалаба кутиб қоламиз. Миллий терма жамоамиз Жаҳон чемпионатига чиқа олмагач, халқнинг футболдан кўнгли бир оз совуди. Энди яна мухлисларни футболга қизиқтириш, ўзбек футболига нисбатан бўлган меҳрни қайтариш керак. Буни Сизлар амалга оширасизлар. Халқимиз футболдаги катта ғалабаларни кутмоқда.

Сизлар учун қандай шарт-шароит керак бўлса, барчасини муҳаё қилиб берамиз. Ҳозирда Президентимиз муҳтарам Шавкат Миромонович Мирзиёевнинг ўзбек футболини ривожлантириш тўғрисидаги Қарорлари тайёрланмоқда. Яқинда ушбу қарорга имзо қўйилади. Мазкур Қарор юртимизда футболни янги босқичга олиб чиқиш, ўзбек футболи савиясини ошириш учун катта туртки бўлади.

Шуни унутмангки, ортингизда Президентимиз турибдилар, бутун ўзбек халқи турибди. Умид қилиб қоламизки, Сиз ўзингизнинг чиройли ўйинларингиз орқали бизларни, бутун ўзбек халқини хурсанд қиласизлар", деди Умид Аҳмаджонов.

Ўз ўрнида терма жамоа бош мураббийи Равшан Ҳайдаров ҳам сўзга чиқиб, федерация томонидан Ўзбекистон олимпия терма жамоаси аъзолари учун яратиб берилган шарт-шароитлар, ўқув йиғин машғулотлари учун миннатдорчилик билдириб, футболчилар ва мураббийлар халқнинг ишончини оқлаш учун бор имкониятларини ишга солишларига ваъда бериб ўтди.

Эслатиб ўтамиз, Олимпия терма жамоамиз бугун тунда Хитойга учиб кетишади. Вакилларимиз Осиё чемпионатидаги иштирокларини 9 январь куни Қатар терма жамоасига қарши ўйин билан бошлашади. Учрашув Тошкент вақти билан соат 16:30да бошланади.

Манба: www.the-uff.com
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?