Исроил Мадримов кубалик боксчини мағлубиятга учратиб, олтин медалга сазовор бўлди

Ҳиндистонда бокс бўйича катталар ўртасида ўтказилаётган “Indian Open” халқаро турнирининг 75 килограммгача баҳсининг финалида Исроил Мадримов кубалик Эстрада Иглесисга қарши рингга чиқди.

Беллашувнинг биринчи раундида ҳар иккала боксчи тенг курашди. Иккинчи ва учинчи раундларда истеъдодли боксчимиз Исроил кубалик рақибидан ҳар томонлама устунлигини исботлади ва терма жамоамиз ҳисобига иккинчи олтин медални келтирди.