Испания чемпионатининг 24-туридан ўрин олган «Реал» Мадрид – «Жирона» учрашуви ўз якунига етди. «Сантьяго Бернадеу»да бўлиб ўтган ўйинда меҳмонлар иродали ғалабани қўлга киритишди.
Учрашув кутилганидек мадридликларнинг устунлигида бошланди ва бу 25-дақиқага келиб ўз самарасини берди. Тони Кроос томонидан жарима майдонига узатилган тўпни Каземиро боши билан дарвозага аниқ йўналтирди. Танаффусгача майдон эгаларида яна бир қатор имкониятлар юзага келди, бироқ мезбонлар улардан фойдалана олмадилар.
Иккинчи бўлим сценарийси тескари бўлди, тайм Мадрид жамоасининг фаоллигида бошланган бўлсада, вақт ўтган сайин меҳмонларнинг ҳужумлари хавфли тус ола бошлади.
65-дақиқада Серхио Рамос дарвоза томон йўналтирилган зарбани қўли билан қайтариб қолди, натижада белгиланган пенальтини Кристиан Стуани аниқ бажарди ва мувозанатни тиклади.
Орадан ўн дақиқа ўтиб «Жирона» футболчилари иккинчи голни уришди, Альваро Одриосоланинг хатосидан сўнг мадридликлар майдон марказида тўпни йўқотишди. Натижада юзага келган қарши ҳужумни Кристиан Порту муваффақиятли якунлади.
Бу етмаганидек ўйин якунланиши арафасида Рамос иккинчи сариқ карточкасини олиб майдонни тарк этди.
Шу тариқа, каталонлар «Реал»нинг Примерадаги кетма-кет беш ўйинлик ғалабали сериясига нуқта қўйишди ва ўзларининг 11 ўйиндан иборат ғалабсиз серияларини ҳам тугатишди.
«Реал» 45 очко билан учинчи ўринга тушиб кетди, «Жирона» (27) 15-поғонага кўтарилиб олди.
Ла Лига, 24-тур
Реал Мадрид – Жирона 1:2 (1:0, 0:2)
Голлар: 1:0 – 25 Каземиро, 1:1 – 65, пенальти Стуани, 1:2 – 75 Порту.
Реал Мадрид – Куртуа, Варан, Марсело, Одриосола, Рамос, Себальос (Диас, 74), Каземиро, Васкес (Винисиус Жуниор, 58), Кроос, Асенсио (Бэйл, 66), Бензема.
Жирона – Буну, Алькала, Хуанпе, Рауль Гарсия, Рамальо, Гранель, Порро (Лосано, 46), Порту (Фернандес, 84), Понс (Алеиш Гарсия, 46), Дуглас Луис, Стуани.
Огоҳлантиришлар: Лосано (48), Рамос (64), Алькала (86), Каземиро (88).
Четлатиш: Рамос (90).
Манба: www.uff.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Америкалик олимлар барча учун бирдек фойдали жисмоний фаоллик турини аниқлади
Тошкентда 02 кодли авторақамлар тахминан қачон пайдо бўлиши айтилди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Ўзбекистонда ўтган уч ойда қанча автомобиль ишлаб чиқарилган?
Футзал. Осиё Кубоги. Тожикистон Японияни гуруҳда қолдирди
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
