“Навбаҳор”дан истеъфога чиқарилганидан бери ўзига янги жамоа топа олмаётган Андрей Канчельскис Россия терма жамоасининг Европа чемпионатидаги ўйинини кескин танқид қилди. Россиялик дебют учрашувида Бельгиядан 0:3 ҳисобида қақшатқич мағлубиятга учради.
- Бу баҳсда битта жамоа ўйнади. Бельгия ҳеч қандай қийинчиликсиз зафар қучди. Биз йиғинларда нимани машқ қилганимиз тушунарсиз. Ўртача терма жамоаларни ютамиз холос, нимани эвазига гуруҳдан чиқишимизни билмайман.
Сан-Марино ва Кипрга қарши ўйинимизни кўрсата оламиз, Бельгия билан ўйинда эса савия йўқолиб қолади.
Аслида футболимизда катта муаммо бор: футболни ўлдириб бўлишган, - деди Андрей Канчельскис.
Россия терма жамоаси иккинчи учрашувни Санкт-Петербургда Финляндияга қарши ўтказади. Учрашув 16 июнга белгиланган. Финляндияликлар биринчи баҳсда Данияни кичик ҳисобда енгди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
