Ўзбекистон миллий терма жамоасининг жаҳон чемпионати 2-саралаш босқичида қолиб кетиши ҳазм қилиб бўлмайдиган ҳолат, шармандали натижа. Саудия Арабистонидаги беллашувдан сўнг терма жамоа ва унинг атрофида турли фикрлар янграмоқда. Айниқса, бош мураббий масаласида.
Терма жамоамизга маҳаллий мураббий керакми ёки хориждан? деган саволга ҳар ким турлича қарашларга эга эканлигини билдирмоқда. Улардан айримларини сайтимиз орқали тақдим этди. Энди эса яқиндаги "Турон" клуби устозига айланган Игорь Шквириннинг бу борадаги фикрларини тақдим этамиз.
- Бизда шу пайтгача терма жамоада қанча хорижлик мураббий ишлади? Куперга қадар немис мутахассиси ҳам термамизни бошқарди. Улар билан нимага эришдик, ҳеч нарсага! Менинг фикримча, терма жамоани маҳаллий, футболимизни ичидан жуда яхши биладиган мураббий бошқаргани маъқул. Масалан, Рўзиқул Бердиев ўз иши билан кўпчиликда яхши таассурот қолдириб келади. У “Насаф”даги фаолияти давомида энг яхши футболчилар тарқалиб кетганига қарамай, кўпчиликка умуман таниш бўлмаган ёшлардан рақобатбардош клубни шакллантирди. Унинг қўл остидаги “Насаф”нинг бугунги кунда иккита фронтда – Суперлига ва ОФК Кубогида қандай иштирок этаётганини барча кўриб турибди.
Менимча, Бердиевни ҳам номзодлардан бири сифатида кўриш яхши бўларди. Бу менинг фикрим, албатта. Унинг ишини четдан кузатиб келаётганим боис шундай деяпман. Яна менинг фикрим шундан иборатки, бизга хорижлик мутахассис керак эмас. Чунки шундай мураббий келса, аввалига маҳаллий менталитет ва футболга мослашиши учун ярим йилдан ортиқ вақт керак бўлади. Немис мутахассиси ишни худди армиядаги режим каби олиб боради. Овқатланишга саф тортиб кетиш, қисқа дақиқаларда еб-ичиш... Менимча, уларда шундай бўлса керак. Бизда ишлар бу тариқа юритилмайди. Чемпионатимизда ўзини кўрсатган маҳаллий мураббийлардан бирига терма жамоани бошқаришни топшириш маъқулроқ, деб ҳисоблайман, - деди Шквирин. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Зоир Мирзаев “Телефонсиз мактаб”га 300 млн сўм мукофот берди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Америкалик олимлар барча учун бирдек фойдали жисмоний фаоллик турини аниқлади