Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди.
Унда бир қатор футболчи ҳамда расмийларга нисбатан тартиб-интизом чоралари белгиланди.
Ёдингизда бор, Суперлиганинг 16-туридан ўрин олган "Металлург" - "Машъал" (1:2) учрашуви якунида мезбон жамоа бошлиғи Шавкат Саидов ўзини нопрофессионал тутган ҳолда, агрессивлик билан муборакликлар устози Александр Хомяковнинг кўкрак қисмига мушт билан зарба берган эди.
Тартиб-интизом қўмитаси томонидан Шавкат Саидовга нисбатан 1 (бир) йил муддатга ҳар қандай футбол фаолияти билан шуғулланишдан четлаштириш интизом чораси қўлланилди.
"Шунингдек, клубдан ушбу расмий шахсга 2021-йилги мавсум учун ЎзПФЛ томонидан тақдим қилинган лицензияни 3 кун муддат ичида топшириш талаб этилади.
Мазкур қарор эълон қилинган кундан бошлаб кучга киради", дейилади хабарда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
