Ўтган йилнинг сўнгги кунларида Польша пойтахти Варшавада ўтказилган шахматнинг рапид ва блис йўналишлари бўйича жаҳон чемпионати нафақат Ўзбекистон, балки бутун дунё шахмати учун ҳам тарихий натижани туҳфа этди.
Биз учун аҳамиятлиси, мазкур жаҳон чемпионатининг рапид йўналишида 17 ёшли ҳамюртимиз, дунёнинг энг ёш гроссмейстерларидан бири Нодирбек Aбдусатторов номдор рақиблари, жумладан, классик шахмат бўйича амалдаги жаҳон чемпиони норвегиялик Магнус Карлсенни мағлубиятга учратиб, рапид йўналишида энг ёш жаҳон чемпионига айланди.
Нодирбек мусобақа давомида Карлсендан ташқари Фабиано Каруана (AҚШ), Ян Непомняший (Россия), Левон Aронян (Aрманистон) каби замонамизнинг энг номдор ва етакчи шахмат усталарини ҳам мағлуб этиб, ҳақли равишда чемпион бўлди.
Рапид йўналишидан сўнг 180 нафар шахматчи икки кун давомида блис йўналишида ўзаро мусобақалашди. Ўтказилган баҳслар якунига кўра, Жавоҳир Синдаров ҳамюртларимиз орасида энг яхши натижани қайд этди. Шахматчимиз 21 имкониятдан 13,5 очко жамғарган ҳолда 8-ўринни эгаллади.
Бугун тунда жаҳон чемпиони Нодирбек Aбдусатторов ва терма жамоамизнинг қолган вакиллари жой олган самолёт Ислом Каримов номидаги Тошкент халқаро аеропортига келиб қўнди. Шахматчиларимизни Туризм ва спорт вазирлиги ва Ўзбекистон шахмат федерацияси масъул ходимлари, кенг спорт жамоатчилиги, шахматчиларнинг оила аъзолари ва оммавий ахборот воситалари ходимлари тантанали равишда кутиб олишди. Бу ҳақда Туризм ва спорт вазирлиги матбуот хизмати хабар берди.
Эслатиб ўтамиз, жаҳон чемпионатидаги ғалабаси шарафига ҳамюртимиз Нодирбек Aбдусатторов Президент фармонига кўра "Мард ўғлон" давлат мукофоти билан тақдирланди ҳамда Тошкент шаҳридан икки хонали уй билан мукофотланди.
“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Қозоғистонда яна 1 млрд доллар ноқонуний активлар давлатга қайтарилди
