Яманлик молекуляр биолог Ҳошим Ал Гайли сунъий интеллектга эга Cognify номли келажак қамоқхонаси лойиҳасини тақдим этди. Бу ҳақда Daily Mail хабар берди.
Фото: @hashem.alghaili / Instagram
Мазкур қамоқхона жиноятчиларга содир этган барча ёвузликларини ўзларида ҳис қилишлари ва ўтмишларидан сабоқ олишларига имкон бериши кутилмоқда. Cognify тизими мия имплантати ва содир этилган жиноий кадрларни трансляция қиладиган қурилмани ўз ичига олади. Кадрлар сунъий интеллект (СИ) томонидан яратилган, унда жиноятчи ўзини қурбон ўрнида ҳис қилади.
Визуал эффектлардан ташқари, тизим жисмоний реакцияни ҳам келтириб чиқариши мумкин. Жумладан, маҳкум жабрланувчини қандай оғриқ ва азоб-уқубатларга дучор қилганини ҳис қилади. Жиноят ва ҳукмнинг жиддийлигига қараб, кадрларни муайян маҳбусга мослаштириш мумкин.
Фото: @hashem.alghaili / Instagram
Қачондир Cognify сунъий хотираларни тўғридан тўғри маҳбуснинг миясига киритиши мумкин. Ушбу хотиралар реал вақт режимида яратилади. Реабилитация бир неча дақиқа давом этса-да, жиноятчига йиллардек туюлади. Баъзи хотиралар жабрланувчи оиласининг қайғуси ёки жабрланувчининг жисмоний ва ҳиссий жароҳатлари каби зўравонлик ҳаракатларининг узоқ муддатли оқибатларини моделлаштиради, дейилади лойиҳа тақдимотида.
Маҳбуслар юқори аниқликдаги мия сканеридан ўтадилар, бу уларнинг асаб йўлларининг батафсил харитасини яратади. Харита Cognify қурилмасига хотира, фикрлаш ва мантиқий фикрлаш учун масъул бўлган миянинг муайян ҳудудларини нишонга олиш имконини беради.
Cognify ҳар бир маҳкум ҳақидаги махфий маълумотлар ва унинг реабилитацияси тўғрисидаги маълумотлар базасига эга бўлади.
Мазкур концепция узоқ муддатли қамоқ ва у билан боғлиқ харажатларни сезиларли даражада қисқартириш орқали жиноий суд тизимида инқилоб қилиши мумкин.
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Хонанда Рухшона уйланмаган йигитга турмушга чиққани ҳақида сўзлаб берди
Диний қўмита Умра зиёратини ташкил қилиш учун 12 та турфирмага лицензия берди
Халқаро жиноят суди Исроил бош вазири Нетаньяхуни ҳибсга олишга ордер берди
Дунёнинг машҳур аёллари кунни қандай бошлайди?
Трамп ғалабасидан кейин Қўшма Штатларни бутунлай тарк этишни режалаштираётган Голливуд юлдузлари
ФИФА расмий сайтида термамиз футболчиси ҳақида жуда илиқ фикрлар билдирилди
