Apple шиша корпусли гаджетлар патентини олди

Pepelac.news ёзганига кўра, Apple корпорацияси тўлиқ шиша корпусга эга гаджетлар учун янги патент олди. Ушбу патент iPhone, Apple Watch ва Mac Pro каби қурилмаларнинг барча ташқи юзаларини шишадан ясашни назарда тутади.

Бу дизайни фойдаланувчига қурилмадан қайси бурчакда қарамасин, интерфейс билан ўзаро алоқа қилиш имконини беради. Apple бу шиша гаджетлардаги интерфейсни динамик равишда ўзгартириш мумкинлигини таъкидлайди.

Айтишларича, iPhone учун олти томонлама шиша корпус ишлаб чиқилаётган бўлиб, унинг ҳар бир юзасида интерфейс элементлари акс этиши мумкин. Ускуна қайси томони билан қўлда ушланишидан қатъи назар, фойдаланувчи интерфейс билан ўзаро таъсирда бўлиши мумкин.

Шунингдек, Apple шиша корпуснинг ён ва орқа қисмларида босим ва тегишга сезгир зоналарни жорий этишни кўриб чиқмоқда. Бу гаджетнинг фойдаланиш усулига қараб интерфейснинг ўзгаришини таъминлайди.

Гарчи патент маҳсулот ишлаб чиқарилишига кафолат бермаса-да, Apple’нинг келажакдаги гаджетлари қандай технологиявий йўналиш олиши мумкинлигини кўрсатади. “Замин” янгиликларини “Telegram”да кузатиб боринг