Xiaomi'dан “ақлли шамол” — янги кондиционер одамни “ҳис қилади” ва энергия тежайди

^{Xiaomi Mijia Air Conditioner Pro дизайн}
Технологиялар тараққий этар экан, кундалик ҳаётимиздаги оддий қурилмалар ҳам ақлли функциялар билан бойиб бормоқда. Эндиликда кондиционер — фақат ҳавони совитувчи ёки иситувчи аппарат эмас. Энди у инсоннинг мавжудлигини “сезади”, ҳаракатини кузатади ва ҳаттоки ўз фаолиятини фойдаланувчига мослаштиради. Бу каби илғор ечимларга ёрқин мисол — Xiaomi’нинг янги Mijia Air Conditioner Pro моделидир.

Инсоннинг жойлашувига қараб ҳаво йўналишини ўзгартирувчи тизим

^{Xiaomi Mijia Air Conditioner Pro}
Қурилманинг энг эътиборли янгилиги — mmWave радар технологияси бўлиб, у хонанинг ичида одам қайси нуқтада турганини аниқлаб, ҳаво оқимини айнан ўша томонга йўналтириш имконини беради. Агар фойдаланувчи ҳавони тўғридан тўғри ҳис қилишни хоҳласа — оқим у томонга бурилади, агар аксинча, унга ҳаво уриб туришини истамаса — кондиционер автоматик равишда йўналишини ўзгартиради. Бу эса индивидуал комфорт даражасини максималлаштиради.

Одам йўқ жойда ўчади — энергия тежашга хизмат қилади

Mijia Air Conditioner Pro’нинг яна бир муҳим афзаллиги — энергияни ақл билан сарфлаш қобилияти. Агар радарлар хонани бўш деб аниқласа, кондиционер ўз-ўзидан эко-режимга ўтади ва электр энергиясини камайтиради. Фойдаланувчи қайтиб келса — у яна фаол тарзда ишлай бошлайди ва талаб қилинган ҳароратни тиклайди.

^{Xiaomi Mijia Air Conditioner Pro}
Бу жараён Lingyun сунъий интеллектуал дастури орқали амалга оширилади. Барча аниқлаш ва ҳисоблаш ишлари “булутли” хизматлар ёрдамида — яъни интернет орқали онлайн тарзда ишлайди. Xiaomi маълумотларига кўра, бу тизим йилига 361 кВт/соат электр энергиясини тежашга қодир, бу эса ўртача 3000 рубль ёки тахминан 350 доллар атрофида иқтисодий фойда беради.

Техник жиҳатдан ҳам замонавий: кучли, юмшоқ ва бактерияларга қарши

Янги кондиционер нафақат ақлли, балки ўз техник кўрсаткичлари билан ҳам замонавий талабларга жавоб беради:

• Икки цилиндрли инвертер компрессор — юқори самарадорлик ва тез совитиш;
  
• Қаватма-қават конденсатор ва эвапоратор — кучли иссиқлик алмашинуви;
  
• Кенг ҳарорат диапазони (−35°C — +65°C) — деярли ҳар қандай иқлим шароити учун мос;
  
• 1.5 от кучи қувват — ўртача ҳажмдаги хона учун идеал;
  
• 18 дБ шовқин даражаси — деярли эшитилмайди;
  
• Авто тозалаш (56°C) — буғ орқали бактериялардан тозалаш;
  
• Антибактериал фильтр — ҳаводаги 99% зарарли элементларни йўқ қилади.
  

Қурилмани бошқариш эса қулай: анъанавий пульт орқали, Mi Home иловаси ёки овозли буйруқлар билан — ақлли уй тизимига мослаштирилган.

Нархи ва сотув ҳоли

Mijia Air Conditioner Pro ҳозирча фақат Хитой бозорида сотувга чиқарилган. Нархи — 3999 юань, яъни тахминан 600–700 доллар атрофида. Лекин Xiaomi’нинг глобал стратегиясига қараганда, бундай инновацион технологиялар яқин вақтда бошқа мамлакатларда ҳам пайдо бўлиши кутилмоқда.

Уйингизда бундай “фаразлайдиган” кондиционер бўлишини истармидингиз? Янги технологиялар қулайликми ёки назоратми? «Замин»ни Telegram’да ўқинг!