Galaxy S26 Ultra’нинг ёрқин рангдаги версияси намоён бўлди, деб Kursiv Uzbekistan хабар берди.
Reddit сайтида Galaxy S26 Ultra смартфонининг аввалги прототиплари акс этган суратлар пайдо бўлди. Direct-Till-2680 номли фойдаланувчи томонидан жойланган бу расмларда янги флагманнинг dummy (ишламайдиган макет) тури кўрсатилган бўлиб, улардан бири — апельсинранг корпусга эга.
Фойдаланувчилар бу рангни “янги ҳаво нафаси” деб баҳолашди, баъзилар эса Apple’нинг iPhone 17 Pro моделидаги ўхшаш рангга ишора қилиб, Samsung‘ни танқид қилган.
Суратлардаги кузатувларга кўра, корпусдаги шакл классик тўртбурчак кўринишида ва бурчаклари юмшоқ. Камера модулида тўртта объектив сақланган ва S24 Ultra’га нисбатан катта ўзгариш йўқ. Энг диққатга сазовор жиҳат — ёрқин апельсинранг корпус.
Samsung ҳозирча S26 Ultra’нинг дизайни ва ранглари ҳақида расмий маълумот бермаган. Аммо бу каби оқишлар кўпинча реал моделларга яқин бўлади, чунки аксессуар ишлаб чиқарувчилар олдиндан ўлчам ва шаклларни билиб олади.
Одатда Samsung ўз флагманларини тўқ рангларда тақдим этади — қора, кумуш, кўк. Шундай экан, апельсинранг корпус — компания дизайнидаги янгича ёндашувни англатиши мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
