Аирбнб компанияси асосчиси Жоэ Геббиа АҚШ ҳукуматининг рақамли платформаларини модернизация қилишга қаратилган У.С. Натионал Десигн Студио лойиҳаси доирасида таниқли дизайнер Петер Арнеллни биринчи бош бренд-архитектор сифатида ишга қабул қилди. Бу ҳақда Геббиа The Wall Street Journal томонидан ташкил этилган "Футуре оф Эверйтҳинг" конференциясида маълум қилди. Бу ҳақда Techcrunch.com хабар беради.
Петер Арнелл ўзининг қирқ йиллик фаолияти давомида Samsung, Пепси, Реэбок ва Чрйслер каби дунёга машҳур брендлар билан ишлаган. Эндиликда у АҚШ ҳукуматига қарашли 27 мингга яқин веб-сайтнинг дизайни ва фойдаланувчилар учун қулайлигини ошириш вазифасини бажаради. Мақсад — давлат хизматларини соддалаштириш ва фуқароларнинг ҳукумат платформаларига бўлган ишончини мустаҳкамлашдан иборат.
Жоэ Геббиа ушбу жараённи Аирбнб платформасини яратишдаги ёндашувга қиёслади. Унинг сўзларига кўра, мураккаб давлат жараёнларини худди Аирбнб каби оддий, хавфсиз ва тушунарли ҳолга келтириш асосий вазифадир. Ҳозирнинг ўзида жамоа нафақага чиқиш билан боғлиқ қоғозбозлик жараёнларини рақамлаштириб, бир неча ой давом этадиган ишни бир неча дақиқага қисқартиришга муваффақ бўлди.
Лойиҳанинг яна бир муҳим жиҳати — фойдаланувчи интерфейсидаги (УХ) камчиликларни бартараф этишдир. Геббиа ҳукумат сайтларидаги мураккабликларни "энг ёмон УХ намуналари" деб атади ва одамлар давлат хизматларидан фойдаланишда ўзларини эркин ҳамда қулай ҳис қилишлари кераклигини таъкидлади. Жамоа сайтлардаги кераксиз босқичларни қисқартириш орқали рақамли давлат бошқарувини янги босқичга олиб чиқишни режалаштирмоқда.
“Zamin”ни Telegram'да ўқинг!
