Лоcкҳеед Мартин компанияси Фирефлй Аэроспаcе ва Сеагате Спаcе томонидан бошланган Алпҳа ракеталарини денгиз орқали учириш лойиҳасига расман қўшилди. Ушбу ҳамкорлик доирасида Гатеwай Сериес деб номланган махсус мобил денгиз платформаси яратилмоқда. Бу тизим ракеталарни анъанавий космодромларга боғланиб қолмасдан, дунёнинг исталган нуқтасидан орбитага чиқариш имконини беради. Бу ҳақда Ixbt.com хабар беради.
Лойиҳа доирасида ҳар бир компания ўз йўналиши бўйича масъулиятни зиммасига олади: Сеагате Спаcе инфратузилмани таъминласа, Фирефлй Аэроспаcе ракета технологияларини, Лоcкҳеед Мартин эса фойдали юкни интеграция қилиш ва мудофаа вазифаларини бажаришни ўз зиммасига олади. Бу ёндашув ер усти инфратузилмасига бўлган қарамликни камайтириб, космосга чиқиш жараёнини сезиларли даражада тезлаштиради.
Мутахассисларнинг фикрича, Ер юзининг 70 фоиздан ортиғи сув билан қопланганлиги сабабли, денгиз платформалари старт майдончалари сонини кескин оширади. Бу «талаб бўйича» тезкор учиришлар учун жуда муҳим бўлиб, сунъий йўлдошларни жойлаштириш ва тизимларни синовдан ўтказишда катта стратегик устунлик беради.
Лоcкҳеед Мартин ушбу лойиҳани ўз технологияларини орбитага етказишни тезлаштиришнинг самарали усули сифатида кўрмоқда. Фирефлй Аэроспаcе эса Калифорниядан ташқари Виржиния ва Швецияда ҳам янги майдончаларни тайёрламоқда. Бироқ, айнан денгиз платформаси космик парвозлар логикасини ўзгартириб, ҳар қандай океанни потенциал космодромга айлантириши мумкин.
“Zamin”ни Telegram'да ўқинг!
