Anker компанияси ўзининг янги Air+ Ultra Слим Магнетик Повер Банк (Нано) ташқи аккумуляторини тақдим этди. Қурилма 10 000 мА·соат сиғимга эга бўлишига қарамай, атиги 1,47 см қалинлик ва 210 грамм оғирликка эга. У iPhone смартфонларининг камера блокини тўсиб қўймайди ва корпусдан ташқарига чиқиб кетмайди. Бу ҳақда Ixbt.com хабар беради.
Қурилма 17 та кучли магнит ёрдамида смартфонга маҳкам ўрнашади. У 15 Вт қувватда симсиз қувватлаш имконини беради, бу эса iPhone 17 Pro моделини 30 дақиқада 40 фоизгача қувватлашга етарли. Шунингдек, USB-C порти орқали 30 Вт тезликда қувват олиш мумкин, бу усулда смартфон 22 дақиқада 50 фоизгача қувватланади.
Аккумулятор ичида Apple билан ҳамкорлик қилувчи АТЛ компаниясининг элементлари ишлатилган. Қизиб кетишнинг олдини олиш учун графен материаллар ва махсус ҳароратни назорат қилувчи чип ўрнатилган. Фойдаланувчилар Anker иловаси орқали батарея ҳолати ва ҳароратни реал вақт режимида кузатиб боришлари мумкин.
Янги модел ҳозирда 399 юан нархида олдиндан буюртма учун очиқ. Қурилма 1 мм гача бўлган магнитли ғилофлар билан ҳам бемалол ишлайди.
“Zamin”ни Telegram'да ўқинг!
