Зарарли дастурларни тадқиқ қилувчи вх-ундергроунд гуруҳи ўзининг Х ижтимоий тармоғидаги саҳифасида 30 терабайт ҳажмдаги зарарли кодлар архивига эгалигини маълум қилди. ВирусТотал асосчиси Бернардо Кинтеро эса ўз хизматида фойдаланувчилар томонидан тақдим этилган 31 петабайт ҳажмдаги зарарли дастурлар намуналари мавжудлигини қайд этди. Бир петабайт тахминан 1000 терабайтга тенг эканлигини ҳисобга олсак, бу жуда улкан рақамлар ҳисобланади. Бу ҳақда Techcrunch.com хабар беради.
Киберхавфсизлик компаниялари ва сунъий интеллект тадқиқотчилари ушбу маълумотлар базасидан таҳдидларни аниқлаш моделларини ўқитиш ҳамда ҳужумларнинг ривожланишини тушуниш учун фойдаланадилар. Мутахассислар ушбу маълумотларни 1 терабайтлик стандарт 3,5 дюймли қаттиқ дискларга (ҲДД) жойлаштириб, уларни устма-уст тахлаб чиқишса, қандай баландлик ҳосил бўлишини ҳисоблаб чиқишди.
Ҳисоб-китобларга кўра, вх-ундергроунд базасидаги 30 терабайт маълумот 30 та қаттиқ дискни ташкил этади ва уларнинг баландлиги тахминан 76 сантиметрга етади. ВирусТотал базасидаги 31 петабайт маълумот эса 31 744 та қаттиқ дискни талаб қилади. Агар уларни устма-уст тахлаб чиқилса, миноранинг баландлиги қарийб 806 метрни ташкил этади, бу эса дунёдаги энг баланд иншоотлар билан рақобатлаша олади.
“Zamin”ни Telegram'да ўқинг!
