АҚШнинг йирик алоқа операторлари «ўлик зоналарни» йўқ қилиш учун бирлашмоқда

АҚШнинг етакчи алоқа операторлари АТ&Т, Т-Мобиле ва Веризон мамлакат ҳудудидаги мобил алоқа қамрови мавжуд бўлмаган «ўлик зоналарни» бартараф этиш мақсадида қўшма корхона ташкил этиш бўйича келишувга эришди. Лойиҳа, айниқса, қишлоқ ва аҳоли кам яшайдиган ҳудудларда барқарор алоқани таъминлашга қаратилган. Бу ҳақда Ixbt.com хабар беради.

Ташаббус доирасида тўғридан-тўғри сунъий йўлдош алоқаси (ДСС) технологиясидан фойдаланилади. Бу тизим ер усти минораларига эҳтиёж сезмасдан, тўғридан-тўғри орбитал сунъий йўлдошлар орқали маълумот узатиш имконини беради. Шунингдек, компаниялар ушбу технология орқали табиий офатлар ва фавқулодда вазиятларда тармоқ узилишларининг олдини олишни мақсад қилган.

Ушбу ҳамкорлик мавжуд шартномаларни бекор қилмайди. Т-Мобиле компаниясининг Starlink билан, АТ&Т ва Веризоннинг эса АСТ СпасеМобиле, Amazon Лео ҳамда Скйло билан бўлган келишувлари ўз кучида қолади. Янги тузилма операторлар учун ягона техник стандартларни ишлаб чиқиш ва сунъий йўлдош провайдерлари билан ишлаш жараёнини соддалаштиришга хизмат қилади.

АТ&Т бош директори Жон Станки лойиҳанинг асосий мақсади фойдаланувчилар қаерда бўлишидан қатъи назар — қишлоқ йўлларида, миллий боғларда ёки денгизда бўлсин, узлуксиз алоқа билан таъминлаш эканлигини таъкидлади. Ҳар бир оператор ўз хизматлари учун нарх сиёсий сиёсат ва тариф режаларини мустақил белгилаш ҳуқуқини сақлаб қолади.