Yandex жамоаси ўзининг мусиқа сервисида тавсиялар тизимини янгилаганини эълон қилди. Эндиликда «Моя волна» функцияси фойдаланувчининг шахсий дидидан ташқари, унинг кайфияти, кун вақти, ҳафтанинг қайси куни эканлиги ҳамда мусиқа тингланаётган қурилмани ҳисобга олган ҳолда «гиперконтекстли» тавсияларни тақдим этади. Бу ҳақда Ixbt.com хабар беради.
Масалан, иш кунида ноутбукдан фойдаланаётган жаз ихлосмандига «ишлаш учун сокин жаз» мусиқалари таклиф этилади. Шунингдек, хизмат фойдаланувчининг одатларига қараб, масалан, «югуриш учун рок-н-ролл» каби шахсийлаштирилган мусиқий сценарийларни шакллантиради.
Ушбу янгиланиш фойдаланувчи ҳаракатларини реал вақт режимида таҳлил қилувчи АРГУС (АутоРегрессиве Генеративе Усер Сеқуентиал Моделинг) генератив модели асосида ишлайди. Шунингдек, «Встряхнут Мою волну» функцияси орқали фойдаланувчилар бир ҳаракат билан мусиқа кайфияти ва контекстини тезда ўзгартиришлари мумкин.
Янги тизимда ижодкорларга алоҳида эътибор қаратилган. Эндиликда тавсияларда нафақат мусиқаларни тинглаш, балки сунъий интеллект ёрдамида артистлар ҳақидаги қизиқарли фактлар билан танишиш имконияти ҳам мавжуд.
Янги функциялар аллақачон Россия ва Беларусдаги Yandex Plus обуначиларига тақдим этилган. Яқин кунларда янгиланиш iOS ва Android иловалари, шунингдек, веб-версиядаги барча фойдаланувчилар учун очиқ бўлади.
“Zamin”ни Telegram'да ўқинг!
