2026-йилнинг 1-июнидан бошлаб Санкт-Петербургдаги Пулково аэропортида биометрия орқали устувор ўтиш тизими жорий этилади. ВTB банки ва Биометрик технологиялар маркази ҳамкорлигида ишлаб чиқилган “Мигом” сервиси йўловчиларга ҳужжатларсиз ҳаракатланиш имконини беради. Бу ҳақда Ixbt.com хабар беради.
Янги тизим ёрдамида йўловчилар рўйхатдан ўтиш, ички рейслар кутиш залига кириш ва самолёт бортига чиқиш жараёнларини фақат биометрик маълумотлар асосида амалга оширишлари мумкин. Ҳозирда ушбу хизмат Петербург ва Москва ўртасидаги “Аэрофлот Шуттл” рейсларида тест режимидан ўтмоқда.
ВTB ходимлари Пулково рўйхатга олиш залларида биометрик маълумотларни топширишда ёрдам беришади, бу жараён тахминан 10 дақиқа вақт олади. Шундан сўнг, “Аэрофлот” сайтидаги шахсий кабинет орқали биометриядан фойдаланишга рухсат бериш ва уни чиптага боғлаш талаб этилади.
Proгнозларга кўра, 2028-йилга бориб аэропортда 4 миллионга яқин киши биометрик сервисдан фойдаланади. “Воздушние Ворота Северной Столитси” МЧЖ бош директори Леонид Сергеевнинг таъкидлашича, бу йўловчилар учун тўлиқ “тўсиқсиз муҳит” яратиш йўлидаги биринчи қадамдир.
Тасдиқланган биометрик маълумотлар паспортга тенглаштирилади ва 5 йил давомида амал қилади. Маълумотларни банклар ёки кўп тармоқли марказларда топшириш имконияти мавжуд.
“Zamin”ни Telegram'да ўқинг!
