11:32 / 13.06.2017
5 681

Milliy TV контентини хорижда Kartina TV ривожлантиради

Milliy TV контентини хорижда Kartina TV ривожлантиради
Milliy TV телеканали ҳамда Kartina TV интернет-сервиси ҳамкорлик қилишга келишиб олишди.

8 июндан бошлаб Milliy TV контентини хорижда ушбу сервис трансляция қилади. Эндиликда хорижда бўлиб турган ўзбекистонликлар учун телеканалдаги севимли кўрсатувларини томоша қилиш янада қулай бўлади. Телеканални порталнинг “Халқаро каналлар” (“Интернациональные каналы”) бўлимидан излаш мумкин.

Kartina.TV сервиси орқали Milliy TV телеканал эфирлари трансляцияси телевизорда, компьютерда, планшетда, смартфонда ва бошқа ускуналарда ҳам кўрсатилади.

Kartina.TV бу — халқаро сервис бўлиб, МДҲнинг 150 дан ортиқ каналлари намойишини таклиф қилади. Дунёнинг 100 мамлакатидан 5 миллиондан зиёд киши порталга обуна бўлган. Улардан 24 фоизи АҚШда, 7 фоизи Буюк Британияда, 52 фоизи Германияда, 8 фоизи Исроилда ва 9 фоизи бошқа давлатларда истиқомат қилади.

Сервис турли функцияларга эга, жумладан, Time shift функцияси вақт-соатлари турлича бўлган ҳудудларда яшовчиларга кўрсатувларни ўзига қулай вақтда кўриш имконини беради. Шунингдек, “Эко-режим” функциясида телеканалларни ҳатто интернетнинг тезлиги кам бўлганда, 3G ва LTE тармоқларида ҳам томоша қилиш мумкин.

Бундан ташқари, Kartina.TVда “Архив” функцияси ҳам мавжуд, унинг ёрдамида эфирга узатилган кўрсатувлар сервисда 14 кун давомида сақланиб қолинади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Milliy TV контентини хорижда Kartina TV ривожлантиради