Motorola Razr смартфонининг хусусиятлари маълум қилинди (фото)

  • 14 март 2019, 13:28
  • 2 324
  • Технология
  • Motorola Razr смартфонининг хусусиятлари маълум қилинди (фото)
    Фото: Mobidevices.ru
    Motorola компанияси анча вақтдан бери буклама-смартфон ишлаб чиқарилиши ҳақида маълум қилганди. Аниқланишича, Motorola’нинг янги буклама-смартфони бошқа букланувчан смартфонлардан фарқ қилади, деб ёзади «Дарё» нашри.

    Тафсифларга кўра, у эски буклама-смартфонни эслатади. Фақат клавиатурали пастки қисми ўрнида вертикал букланувчи яхлит катта экран бўлади.
    Нашрининг ёзишича, янги смартфон дизайни аввалгисидан тубдан фарқ қилади.

    Янги Razr смартфони 2142×876 пикселли 6,2 дюймли дисплейга эга бўлади. Смартфон корпусида яна бир кичик дисплей жойлашиб, унда смартфон ёпиқ турганда билдиришномалар ва қўнғироқлар кўринади.

    Фото: Mobidevices.ru
    Motorola Razr уч хил рангда чиқарилиши кутилмоқда: оқ, қора ва тилла.

    Ушбу смартфон Snapdragon 710 процессорида ишлайди ва у тўрт ёки саккиз гигабайт оператив хотирага эга бўлади. Доимий хотира эса моделидан келиб чиққан ҳолда 64 ёки 128 гигабайтли бўлади.

    Дастлабки маълумотларга кўра, Motorola Razr буклама-смартфонининг нархи 1500 доллар атрофида бўлиши кутилмоқда.

    » » Motorola Razr смартфонининг хусусиятлари маълум қилинди (фото)