11:40 / 28 февраля 2020
1 186

Google Translate таржимонида 5 та янги тил пайдо бўлди

Google Translate таржимонида 5 та янги тил пайдо бўлди
Google компанияси Google Translate онлайн-таржимонини яна 5 та тил билан бойитди. Унга жумладан туркман ва уйғур тиллари ҳам киритилди. Бу ҳақда The Verge нашрига таяниб Кун хабар берди.

Таржимонда эндиликда руанда, ория, татар, туркман ва уйғур тилларида таржималарни бажариш мумкин.

Таъкидланишича, дунёда бу тилларда сўзлашувчи одамлар сони 75 млнга яқинни ташкил қилади. Эндиликда таржимонда ҳаммаси бўлиб 108 та тил бор.

Компанияда таъкидланишича, аввал дастурни бу тиллар билан тўлдиришда уларда ёзилган онлайн материаллар, улар бўйича ёрдам қила олувчи мутахассислар етарли бўлмагани тўсқинлик қилган.

Ҳозирча дастурнинг 1 фоиз фойдаланувчиларигина янги имкониятдан фойдалана оладилар, аммо кейинги кунлар давомида бу кўрсаткич тобора ошиб боради.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)