Одамлар соғлом турмуш тарзини танлашда, аввало, кундалик овқатланиш одатларини қайта кўриб чиқишади. Айниқса, нон маҳсулотларидан воз кечиш ёки уларни чеклаш ҳақида кўп муҳокамалар юз беради. Бироқ бу фикр тўлиқ тўғри эмас. Тўғри танланган ва таркиби бой бўлган баъзи турдаги нонлар орқали вазнни назорат қилиш ва озишга эришиш мумкин.
Жавдар нон — диетанинг ажралмас қисми
Ўзбекистонда кенг тарқалган “Бородино” жавдар нони ўзининг давлат стандарти асосида тайёрланиши билан ажралиб туради. Унда оқ нонга нисбатан 20 фоизга кам калория мавжуд. Шу билан бирга, жавдар нонида керакли клетчаткалар 4 баробар кўп. Бу турдаги нон ҳазм қилиш жараёнини яхшилайди ва тўқлик ҳиссини узоқ вақт сақлаб туради.
Зиғир уруғи солинган нон — микроэлементлар бойлиги
Зиғир уруғлари билан бойитилган нонлар нафақат озиш, балки организмни фойдали моддалар билан таъминлашда ҳам муҳим ўрин тутади. Уларда селен, калий, марганец сингари кам учрайдиган моддалар бор. Зиғир уруғи асосида тайёрланган нонлар гликемик индекси пастлиги билан ажралиб туради, бу эса қoн шакарини барқарорлаштиришга ва ортиқча вазнга қарши курашишга ёрдам беради.
Сули нони — глютенсиз ва фойдали танлов
Глютенсиз овқатланиш тарафдорлари учун сули нони аъло альтернатива ҳисобланади. Бу нон холестерин миқдорини камайтиради, айниқса “ёмон” холестеринни. Унинг паст гликемик индекси исҳтаҳани назорат қилиш имконини беради ва қисқа муддатда озишни рағбатлантиради.
Ўстирилган буғдой нони — табиийлик сари қадам
Фақат табиий маҳсулотлардан — яъни ўстирилган буғдой, тозаланмаган ун ва табиий хамиртурушлардан тайёрланган нонлар фойдали ҳисобланади. Бундай нонлар кўпинча ҳунармандчилик асосида ишлаб чиқарилади ва нафақат озиш, балки умумий саломатликни мустаҳкамлашга хизмат қилади.
Хулоса:
Нондан тўлиқ воз кечиш шарт эмас. Аксинча, таркиби бой, гликемик индекси паст, клетчаткага бой турдаги нонлар рационда муҳим аҳамият касб этади. Агар сиз ҳам озишга бел боғлаган бўлсангиз, бу турдаги нонларни танланг ва танаффуслар пайтида фойдали альтернатива сифатида фойдаланинг.
«Замин»ни Telegram’да ўқинг!
