Болаларда ясси оёқликка олиб келувчи муҳим бўлган омиллар
Болаларда ясси оёқлик ортопедик муаммо бўлиб, оёқ кафтидаги табиий арканинг йўқолиши билан характерланади. Бу ҳолатга нотўғри пойабзал танлаш, яъни таг қисми қўллаб-қувватламайдиган ёки ўлчами мос келмайдиган кийимлар сабаб бўлиши мумкин. Шунингдек, камҳаракатли турмуш тарзи оёқ мушакларини заифлаштириб, ирсий мойиллик ва тез семириш ҳам ясси оёқлик ривожланишига олиб келади.
Болаларда япалоқ оёқлик (плоскостопие) муаммоси кўп учрайдиган ортопедик ҳолатлардан бири ҳисобланади. Бу ҳолат оёқ кафт қисмидаги табиий аркани йўқолиши билан тавсифланади ва вақт ўтиши билан юришда оғриқ ёки ноқулайлик келтириб чиқариши мумкин. Унинг пайдо бўлишига бир қатор омиллар сабаб бўлади.
1. Нотўғри пойабзал танлаш
Болаларда қаттиқ, жуда юмшоқ ёки ўлчами мос келмайдиган пойабзал кийиш япалоқ оёқлик ривожланишига сабаб бўлиши мумкин. Айниқса, таг қисми умуман қўллаб-қувватламайдиган оёқ кийимлари хавфли ҳисобланади.
2. Камҳаракатли турмуш тарзи
Жисмоний фаоллик етарли бўлмаганда оёқ мушаклари заифлашади. Бу эса оёқ кафт тузилишига салбий таъсир кўрсатиб, япалоқ оёқликка олиб келиши мумкин.
3. Ирсий ва тана тузилиши омиллари
Айрим болаларда япалоқ оёқлик ирсий хусусият сифатида кузатилади. Шунингдек, тез семириш ҳам оёққа тушадиган босимни ошириб, ушбу ҳолатни кучайтириши мумкин.
Изоҳлар 0
…