Оғир астма эрта ўлим хавфини икки баробар оширади

1 дақиқа ўқиш287
Оғир астма эрта ўлим хавфини икки баробар оширади

Каролинска институти олимлари томонидан ўтказилган тадқиқот оғир астманинг инсон саломатлигига жиддий хавф туғдиришини кўрсатди. Илмий хулосалар European Respiratory Journal нашрида эълон қилинган.

Тадқиқот давомида 11 мингдан ортиқ астма билан оғриган беморлар 20 йил мобайнида кузатилган. Натижаларга кўра, касалликнинг оғир шаклига чалинганлар орасида ўлим кўрсаткичи 34 фоизга етган. Енгил ва ўртача ҳолатларда эса бу рақам тахминан 20 фоизни ташкил қилган.

Мутахассислар таъкидлашича, оғир астма эрта ўлим эҳтимолини қарийб икки баробарга оширади. Бироқ касалликнинг ўзи кам ҳолларда бевосита ўлим сабаби бўлади — асосий хавфни ҳамроҳ касалликлар келтириб чиқаради.

Олимлар изоҳига кўра, астмада организмда кучли яллиғланиш жараёни юзага келади. Бу эса қон томирлари фаолиятига салбий таъсир кўрсатиб, уларнинг эластиклигини пасайтиради ва қон айланишини издан чиқаради. Натижада инфаркт, инсулт ва тромбоз хавфи ортади.

Бундан ташқари, оғир астма билан оғриган беморларда онкологик касалликлар ривожланиш эҳтимоли ҳам юқори бўлади. Тез-тез кузатиладиган хуружлар нафас олиш ва юрак-қон томир тизимига ортиқча юклама беради.

Мутахассислар қайд этишича, оғир астма барча беморларнинг атиги 3–8 фоизида учрайди. Шунга қарамай, айнан шу тоифа доимий тиббий назоратни талаб қилади, чунки улар асоратлар хавфига нисбатан анча заиф ҳисобланади.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?