Қуёш нури инсон организми учун муҳим табиий манбалардан бири ҳисобланади. У организмда D витамини ишлаб чиқарилишига ёрдам беради. Агар инсон узоқ вақт қуёш нуридан етарлича баҳраманд бўлмаса, иммунитет сусайиши ва чарчоқ ҳисси кучайиши мумкин. Бу эса умумий саломатликка салбий таъсир кўрсатади.
Мутахассислар таъкидлашича, қуёш нури етишмаслиги руҳий ҳолатга ҳам таъсир қилади. Айрим инсонларда кайфият тушиши, тушкунлик ва энергия етишмаслиги кузатилиши мумкин. Айниқса, кунлари қисқа бўлган фаслларда бундай ҳолатлар кўпроқ учрайди.
Шунингдек, D витамини танқислиги суяк ва мушаклар билан боғлиқ муаммоларга сабаб бўлиши мумкин. Болаларда бу ҳолат ўсиш жараёнига таъсир қилса, катталарда суяк мўртлашиши хавфини оширади. Шу боис, қуёш нуридан меъёрда фойдаланиш муҳим ҳисобланади.
“Zamin”ни Telegram'да ўқинг!
