Mashinani boshqarish uchun berilgan ishonch qog‘ozini ro‘yxatga kiritish uchun qancha to‘lash kerak?

Savol: — O‘zimning nomimdagi mashinani boshqarish uchun ukamga ishonch qog‘ozi bermoqchi edim. Aytishlaricha, uni yo‘l harakati xavfsizligi idorasida ro‘yxatga qo‘yish kerak ekan. Buning uchun qancha pul to‘lash kerak?

Javob:— Amaldagi qonunlarga ko‘ra, siz o‘z shaxsiy avtomashinangizni boshqarish uchun ukangizga notarial idora orqali ishonchnoma bersangiz, ushbu ishonchnoma 10 kunlik muddatda transport vositasi ro‘yxatda turgan tumanlararo ro‘yxatlash va imtihon olish bo‘limida ro‘yxatga olinadi. Buning uchun to‘lov puli talab qilinmaydi.

“Zamin”ni Telegramʻda oʻqing!