Stoltenberg Shvetsiya va Finlandiya Turkiyaning talablarini bajarishi kerakligini aytdi

^{Foto: Anadolu Agency}
NATO bosh kotibi Yens Stoltenberg Shvetsiya va Finlandiyaning alyansga a’zo bo‘lishi masalasida Turkiyaning pozitsiyasini qo‘llab-quvvatladi.

«Hech bir mamlakat terrorizmdan Turkiyachalik jabrlanmagan»,- dedi u Anqarani NATOning muhim ittifoqchisi deb atarkan.
Uning so‘zlariga ko‘ra, ittifoqchi mamlakatda xavotirlar mavjud bo‘lsa, bu masalani muhokama qilish va yechish kerak.

«Doim shunday bo‘lib kelgan. Masalan, Gretsiya Shimoliy Makedoniyani nomi sababli NATOga kirishini bloklagan. Bu muammoni yechish uchun 10 yildan ortiq vaqt kerak bo‘ldi», - dedi Stoltenberg.

NATO bosh kotibi ispaniyalik jurnalistlarga kurdlarni Kurdiston ishchi partiyasi terrorchilari bilan bog‘lamaslik kerakligini aytdi.

«Sizlar kurdlar haqida gapiryapsiz, ammo keling tan olaylik, gap bir nechta kurd guruhlari haqida ketmoqda, Kurdiston ishchi partiyasi esa YEIda terrorchi tashkilotlar ro‘yxatiga kiritilgan. Ularning Shvetsiya yoki Finlandiyada ekani muhim emas»,- dedi u.

Stoltenberg Shvetsiya va Finlandiya NATOning Madriddagi sammitida taklif etilgan mamlakat sifatida qatnashishi mumkinligini, biroq 28 iyungacha Turkiyaning talablarini bajarmaydigan bo‘lsa, ular alyans a’zoligiga nomzod bo‘la olmasligini aytdi.

Turkiya Shvetsiya va Finlandiyaning NATOga qabul qilinishiga qarshi chiqmoqda. Turkiya prezidenti Rajab Toyyib Erdo‘g‘anning ta’kidlashicha, bu mamlakatlar Anqara terrorchi deb e’lon qilgan tashkilotlar a’zolariga boshpana bergan hamda Turkiyaga qarshi sanksiyalar kiritgan. “Zamin” yangiliklarini “Youtube”da kuzatib boring