Odessaga raketa zarbasi berildi. Oqibatda 17 kishi halok bo‘ldi

Ukrainaing Odessa viloyatiga raketa hujumi oqibatida kamida 17 kishi, jumladan bir bola halok bo‘ldi. Bu haqda Ukraina quruqlikdagi qo‘shinlarining «Janubiy» operativ qo‘mondonligi xabar bermoqda. Xabar Odessa hokimligining Telegram-kanalida e’lon qilindi.

Ukraina harbiylarining ma’lum qilishicha, 1 iyulga o‘tar kechasi Tu-22 samolyoti Odessa viloyatining Belgorod-Dnestrovskiy tumaniga raketa zarbasini bergan. Ta’kidlanishicha, uchta X-22 raketasi 9 qavatli turar joy binosi va ikkita dam olish maskaniga urilgan. Uyning old qismi butunlay vayron bo‘lgan, deb yozadi «Dumskaya» nashri.

^{Foto: Telegram}
Ertalabki soat 05:30 holatiga (Toshkent vaqti bilan 07:30) ko‘ra, 31 kishi jarohat olgan. Ular orasida to‘rt nafar bola va bir homilador ayol bor. Vayronalar ostidan 8 kishi qutqarib olindi. Og‘ir tan jarohati olganlar kasalxonaga yotqizildi. Qutqaruv ishlari davom etmoqda.

^{Foto: Telegram} “Zamin”ni Telegramʻda oʻqing!