Ukrainaning «Meridian» aviakompaniyasiga tegishli An-12 yuk tashuvchi samolyoti 16 iyul kuni kechqurun Gretsiya shimolidagi Kavala shahri yaqinida halokatga uchradi, deya xabar bermoqda Associated Press mahalliy hokimiyatga tayanib.
Samolyot Serbiyadan Iordaniyaga uchayotgan edi. Halokatdan sal avval uchuvchi mahalliy aviadispetcherlarga dvigatellardan birida muammo borligi haqida ma’lum qilgan va favqulodda qo‘nishni so‘ragan. Samolyot halokatga uchragunga qadar mahalliy aholi osmonda olovli sharni ko‘rgan. Samolyot aerodromdan 40 kilometr uzoqlikda qulagan, deya xabar beradi Gretsiya fuqaro aviatsiyasi boshqarmasi.
«Katimerini» gazetasining manbalarga tayanib, yozishicha, bortda sakkiz nafar ekipaj a’zosi bo‘lgan. OAV ma’lumotlariga ko‘ra, samolyotda 12 tonna «xavfli materiallar» bo‘lgan — ular portlovchi modda ekani taxmin qilinmoqda.
Guvohlarning so‘zlariga ko‘ra, halokatdan keyin ikki soat davomida portlash ovozlari eshitilib turgan. Halokat sodir bo‘lgan joyga eng yaqin aholi punktlarida yashovchilardan tuni bilan uylarining derazalarini ochmaslik, ko‘chaga chiqmaslik va niqob taqish so‘ralgan. Rasmiylar samolyotda xavfli kimyoviy moddalar bo‘lgan-bo‘lmaganini bilmaydi. O‘t o‘chirish bo‘limi halokat sodir bo‘lgan hududni o‘rab olgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Jo Bayden: “Ba’zan xotinim meni kosmosga jo‘natish bilan tahdid qiladi”
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Omega-3 qanday qilib ozishga yordam beradi?
Shols va Putin o‘rtasidagi suhbat Kiyevga signal bo‘ldi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
