23:46 / 27.04.2016
5 681

Gruziyaga Evroparlament rahbari tashrifi kutilmoqda

Gruziyaga Evroparlament rahbari tashrifi kutilmoqda
Gruziya hukumati yaqin oylarda Evroparlament rahbari Martin Shulsning Gruziyaga kelishini kutishmoqda, deb ma’lum qildi Gruziya parlamenti spikeri David Usupashvili.

"Men janob prezident bizning taklifimizni qabul qilib, keyingi oylarda Gruziyaga kelishidan xursandman. Evroparlamentdan yaxshi yangiliklar olib kelishimizga ishonaman", deb aytdi Usupashvili Bryusselda Shuls bilan birgalikda bergan matbuot-anjumanida.

25 aprelda Evroparlamentning Fuqarolik erkinliklari, adliya va ichki ishlar qo‘mitasi Evrokomissiyaning Gruziya fuqarolari uchun viza tartibini erkinlashtirish taklifini qo‘llab-quvvatladi. Agar Evroparlament bu qonun loyihasini ma’qullasa, unda Gruziya fuqarolari Shengen hududida vizasiz 90 kundan 180 kungacha bo‘lishlari mumkin.

Avvalroq Evrokomissiya Gruziya uchun viza cheklovlarini bekor qilish tashabbusi bilan chiqqandi va Gruziyani Evropa Ittifoqiga safar uyushtirish uchun fuqarolariga viza zarur bo‘lmagan davlatlar ro‘yxatiga kiritishni taklif qilgandi. Migrasiya va fuqarolik masalalari bo‘yicha evrokomissar Dimitris Avramopulos Evrokomissiya Gruziya fuqarolari yoz boshidan Evropa Ittifoqiga vizasiz bora olishlariga umid qilayotganini aytgandi. Biroq bir necha kun avval Evropadagi eng yirik Evropa xalq partiyasi prezidenti Jozef Dol partiya Evroparlamentdagi ovoz berishda Gruziya bilan viza tartibini bekor qilishni agar Gruziyada 2016 yil kuzida o‘tadigan parlament saylovlari erkin va adolatli bo‘lsagina qo‘llab-quvvatlashini aytgan, deb xabar beriladi "Kun" nashrida.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Gruziyaga Evroparlament rahbari tashrifi kutilmoqda