22:29 / 29.12.2022
1 832

Qirg‘iziston sobiq prezidenti uyi bolalar reabilitatsiya markaziga aylantirildi

Qirg‘iziston sobiq prezidenti uyi bolalar reabilitatsiya markaziga aylantirildi
Foto: Qirg‘iziston prezidenti matbuot xizmati
Qirg‘iziston prezidenti Sadir Japarov qochoq prezident Qurmanbek Bakiyevning uyi o‘rnida ochilgan bolalar reabilitatsiya markazining ochilishida ishtirok etdi. Bu haqda prezident matbuot xizmati xabar berdi.

Markaz 100 o‘ringa mo‘ljallangan bo‘lib, barcha zamonaviy sharoitlar bilan foydalanishga topshirilgan. Sadir Japarov o‘z nutqida Qirg‘iziston BMTning nogironlar huquqlari to‘g‘risidagi konvensiyasini ratifikatsiya qilganini ta’kidladi.

Foto: Qirg‘iziston prezidenti matbuot xizmati
«Respublika nogironligi bo‘lgan shaxslarning ta’lim, mehnat va dam olishini ta’minlash bo‘yicha me’yorlarni hayotga tatbiq etishga intilmoqda. Barcha qirg‘izistonliklarning teng huquqliligini ta’minlashga harakat qilamiz. Bu boradagi chora-tadbirlar 2026 yilgacha bo‘lgan rivojlanish davlat dasturida ham o‘z ifodasini topgan. Reabilitatsiya markazi imkoniyati cheklangan bolalarni jismoniy va ruhiy jihatdan tiklashga qaratilgan», — deydi Qirg‘iziston prezidenti.

Sobiq prezident Qurmanbek Bakiyevning uyi 2022 yilning iyun oyida buzib tashlangandi.

Foto: Qirg‘iziston prezidenti matbuot xizmati

Foto: Qirg‘iziston prezidenti matbuot xizmati

Foto: Qirg‘iziston prezidenti matbuot xizmati
Bakiyev 2005 yilda Qirg‘iziston respublikasi prezidenti bo‘lgan. U 2010 yilgi aprel voqealari chog‘ida ag‘darilgan, keyinchalik oilasi bilan mamlakatni tark etib, Belarusdan boshpana olgan. Belarus Oliy sudi Qirg‘iziston sobiq prezident Qurmanbek Bakiyevni vataniga ekstraditsiya qilishdan bosh tortgan.

arenda kvartira tashkent
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Dunyo