Moldova Rossiya qo‘shinlarining Dnestrbo‘yini tark etishiga umid qilmoqda

^{Foto: AP}
Moldova Ukrainaga qarshi urushdagi ehtimoliy mag‘lubiyatdan keyin Rossiya o‘z qo‘shinlarini Dnestrbo‘yidan olib chiqib ketishini kutmoqda. Bu haqda Moldova tashqi ishlar vaziri Niku Popesku Vocea Basarabia nashriga bergan intervyusida aytib o‘tdi.

«Biz hammamiz umid qilamiz va Ukraina bu urushda g‘alaba qozonib, o‘z hududini ozod qilishini tilaymiz. Shunda biz mamlakatni tinch yo‘l bilan reintegratsiya qilish va hududimizda noqonuniy joylashgan Rossiya qo‘shinlarini tinch yo‘l bilan chiqib ketishi ustida ishlashni davom ettirishimiz mumkin. Buni barchamiz xohlaymiz», dedi u.

Popeskuning so‘zlariga ko‘ra, Rossiya Federatsiyasining Ukrainaga keng ko‘lamli bostirib kirishi Moldova hayotining barcha jabhalariga, jumladan, Dnestrbo‘yi mojarosini tartibga solish jarayoniga ta’sir qilgan.

Moldova hukumati 1992 yildan beri Dnestrbo‘yini amalda nazorat qilmaydi. Bu hududda Rossiya Federatsiyasiga kuchli harbiy-siyosiy va iqtisodiy qaramlikda bo‘lgan tan olinmagan davlat tuzilishi bor. “Zamin” yangiliklarini “Telegram”da kuzatib boring