09:13 / 18.02.2023

Pokistonda qurollangan jangarilar politsiya bo‘limini egalladi (video, foto)

^{Foto: ONLINE}
Pokistonning Karachi shahrida qurollangan erkaklar politsiyaning bosh idorasiga bostirib kirdi, ulardan biri o‘zini portlatdi. Bu haqda Dawn xabar berdi.

Ma’lum qilinishicha, hujum oqibatida to‘rt kishi halok bo‘ldi, 11 kishi jarohatlandi. Politsiya binoning to‘rt qavati xavfsizlik kuchlari tomonidan tozalangani, yaqin orada vaziyat nazoratga olinishi bildirdi. Snayperlar politsiya bo‘limi yaqinidagi pozitsiyalarni egalladi, ular terrorchilarning ikki nafarini otib o‘ldirdi.

^{Foto: ONLINE}

Pokistonda qurollangan jangarilar Karachi shahar politsiyasining bosh idorasiga bostirib kirdi , otishma hamon davom etmoqda pic.twitter.com/TjxajMYfmp
— Шухрат Раззаков (@ShuhratRazzakov) February 18, 2023

Politsiya rasmiylariga ko‘ra, qurollangan shaxslar Sadar politsiya bo‘limi yaqinidagi idoraga bir necha marta o‘q uzgan. Hujum qilganlar politsiya kiyimida bo‘lgan, hududda portlashlar qayd etilgan. Hujum uchun javobgarlikni Pokistonning “Tehrik-e-Tolibon Pokiston” guruhi o‘z zimmasiga oldi.

^{Foto: ONLINE}
So‘nggi ma’lumotlarga ko‘ra, politsiya idorasi jangarilardan tozalangan, uch nafar terrorchi zararsizlantirilgan.

Pokistonning Karachi shahrida qurollangan jangarilar tomonidan bosib olingan politsiya bo‘limiga qo‘shimcha kuchlar kiritilmoqda. Mahalliy OAV xudkush kamarlar ishga tushirilganini yozmoqda pic.twitter.com/3YRVoArORG
— Шухрат Раззаков (@ShuhratRazzakov) February 18, 2023

“Men hozircha Karachi politsiya idorasi binosi tozalanganini tasdiqlay olaman. Uch nafar terrorchi zararsizlantirildi”, — dedi Sind hukumati matbuot kotibi Murtazo Vahob.