11:08 / 20.06.2016
5 897

Jajji o‘rgimchak yo‘l qurilishini to‘xtatdi

Jajji o‘rgimchak yo‘l qurilishini to‘xtatdi
Texasda jajji bir o‘rgimchak umumiy miqdori 15 millionlik yo‘l qurilishi to‘xtatilishiga sabab bo‘lgan. Bu voqea San-Antonio shahrida, bir necha oylik ishlardan so‘ng yuz bergan. Bu haqda "DiydorAziz.uz" xabar berdi.

Mutaxassislarnin g aytishicha, Cicurina venii juda noyob tur o‘rgimchak sanalib, uning ko‘zi bo‘lmas ekan. Tanasi yarim shaffof, odatda g‘orlar yoki er ostida yashaydi. AQShda bu hasharot davlat tomonidan qattiq qo‘riqlanadi. 1980 yildan beri odamlar bu turdagi o‘rgimchakdan bor-yo‘g‘i ikkitasini uchratishgan. Ular ham bir-biridan uncha uzoq bo‘lmagan erdan topilgan. Mutaxassislar er tagida ham ushbu tur o‘rgimchaklar topilishiga umid qilishmoqda.

Shundan buyon AQSh Yovvoyi tabiat boshqarmasi hamda Avtoyo‘llar federal nazorati idorasi o‘rtasida qurilishni davom ettirish kerakmi yo yo‘qligi xususida bahslar davom etmoqda.

Bu erdagi aholi uzoq yillar davomida tirbandlikdan aziyat chekib, yangi magistral qurilishini intizorlik bilan kutayotgan bo‘lishiga qaramay, hukumat qo‘riqlanayotgan o‘rgimchak turining yashash muhitiga o‘zgartirish kiritmaslikni istayapti. Shunday ekan, 15 millionlik yo‘l loyihasi butkul muzlatib qo‘yilishi ham ehtimoldan xoli emas.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Jajji o‘rgimchak yo‘l qurilishini to‘xtatdi