158
Ukraina harbiylari qarshi hujum oldidan frontdagi hududlarni minalardan tozalashga kirishdi
Foto: AP Photo
Ukraina harbiylari qarshi hujumga tayyorgarlik ko‘rish maqsadida frontning o‘zlari nazorat qiladigan qismidagi minalangan maydonlarni tozalashni boshladi, deb xabar bermoqda The Washington Post.
Nashr tushuntirishicha, Ukraina Qurolli kuchlari, xuddi rus armiyasi kabi, butun front chizig‘i bo‘ylab hududlarga minglab minalarni joylashtirgandi, endi bo‘lsa ularni olib tashlash kerak. Shu bilan birga, ehtimoliy hujum joylarini oshkor qilmaslik uchun ukrainalik sapyorlar mina maydonlariga tunda kirib, ularni qo‘lda tozalashga majbur bo‘lmoqda.
Muhandislik bo‘linmasi komandirining so‘zlariga ko‘ra, tozalash ishlari bir necha haftadan beri davom etmoqda.
WP qayd etganidek, Ukraina nazoratidagi hududlarni minalardan tozalash birinchi bosqich, xolos. Chunki frontning Rossiya tomonida ham shunday to‘siqlar mavjud. Ukraina harbiylariga ko‘ra, Rossiya tankka qarshi, piyodalarga qarshi minalar va mina-tuzoqlar qo‘ygan. Harbiylarning ta’kidlashicha, tankka qarshi minalarni dronlar yordamida aniqlash mumkin, ammo piyodalarga qarshi minalarni topish qiyinroq.
Ukraina hujumi aynan qayerdan boshlanishi noma’lum. Gazeta eng ehtimoliy yo‘nalish sifatida Zaporoje viloyatini keltirmoqda, chunki bu mintaqadagi muvaffaqiyatli zarba ukrainalik harbiylarga anneksiya qilingan Qrimni Rossiya bilan bog‘lovchi quruqlik yo‘lagini kesishga imkon beradi.
Ukraina rasmiylari 2022 yil oxiridan beri qarshi hujum haqida gapirmoqda. Dastlab, bu bahorda boshlanishi kutilgan edi, ammo keyinroq sanalar o‘zgardi.
Ukraina Milliy xavfsizlik va mudofaa kengashi kotibi Andrey Danilov 27 may kuni qarshi hujum “erta-indin yoki bir haftadan keyin” boshlanishi mumkinligini aytdi. Uning so‘zlariga ko‘ra, Ukraina Qurolli kuchlari hujumga tayyor, ammo qo‘mondonlik eng qulay fursatni kutmoqda. 29 may kuni Ukraina prezidenti Vladimir Zelenskiy Oliy qo‘mondon shtab-kvartirasining yig‘ilishida Ukraina qo‘shinlarining “harakatlanish vaqti” bo‘yicha qarorlar qabul qilinganini aytdi.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shvetsiya Eronni Qur’on yoqib yuborilgani uchun qasos olganlikda ayblamoqda
Tramp Zelenskiyning AQSHga tashrifi chog‘ida u bilan uchrashishdan bosh tortdi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Lionel Messi o‘z prodyuserlik kompaniyasiga asos soldi
Xitoy mamlakatlarni jungli qonunidan voz kechishga chaqirdi
O‘zbekiston Turkmaniston va Turkiya bilan mudofaa sohasida hamkorlik qiladi
Kuniga nechta olma yeyish mumkin? Ommabop mevaning zararli xususiyatlari
Hindiston BMTni isloh qilishga chaqirdi
