Pokiston chegarachilari va “Tolibon” jangchilari to‘qnashdi (video)

^{Foto: APA}

“Tolibon” jangchilari va Pokiston chegarachilari o‘rtasida “Torxam” chegara o‘tkazish punktida to‘qnashuv yuz berdi. Bu haqda mahalliy manbalarga tayanib, “Daryo”ning Afg‘onistondagi muxbiri xabar berdi.

Aholining so‘zlariga ko‘ra, “Tolibon” kuchlari Torxamda nazorat-o‘tkazish punktlarini o‘rnatmoqchi bo‘lganida Pokiston harbiylari qarshilik qilgan. Oqibatda tomonlar to‘qnashgan. Guvohlar hududda o‘q ovozlarini eshitgan.

“Tolibon” Ichki ishlar vazirligi matbuot kotibi Torxamdagi chegarada yuz bergan to‘qnashuvni tasdiqlagan. U mojaro Pokiston kuchlari o‘qqa tutganidan keyin boshlanganini  aytmoqda. Rasman Pokiston hozircha bu haqda hech qanday ma’lumot bermagan. 

Ta’kidlanishicha, “Tolibon”ning ikki jangchisi halok bo‘lgan va bir nafar pokistonlik askar yaralangan.