Britaniya tashqi ishlar vaziri qochishga majbur bo‘ldi

Britaniya tashqi ishlar vaziri Jeyms Kleverli Isroilning janubidagi Ofakim shahriga tashrif buyurganida, HAMAS guruhi tahdidi sabab qochishga majbur bo‘ldi.

X ijtimoiy tarmog‘i (sobiq Tvitter) e’lon qilingan kadrlarda Kleverli sirenalar chalinayotganda bombapanohga yugurayotganini ko‘rish mumkin.

Tashqi ishlar vazirligi rahbari chorshanba kuni Isroilga kelgandi. U Isroilning yuqori martabali rahbarlari va XAMAS hujumlaridan jabrlanganlar bilan uchrashadi.

Eslatib o‘tamiz, Buyuk Britaniya, boshqa Yevropa davlatlari kabi, Isroilni qo‘llab-quvvatlashini bildirdi.

Eslatish joizki, 7 oktyabrdan boshlab Isroil va G‘azo sektorida vaziyat o‘ta keskinlashdi. HAMAS guruhining hujumiga javoban Isroil G‘azoga misli ko‘rilmagan darajada hujumlar uyushtirdi.