Belarus va Rossiya bir davlatga aylanadimi? Lukashenko javob berdi

^{Foto: Getty Images}
Belarus prezidenti Aleksandr Lukashenko Rossiya ham, Belarus ham ikki davlatning birlashishini qo‘llab-quvvatlamasligini aytdi. Bu haqda “BelTA” xabar berdi.

Lukashenkoga ko‘ra, ikki davlat o‘rtasida chuqur integratsiya yuzaga kelgan. U na Rossiya, na Belarus ikki davlatning birlashishini qo‘llab-quvvatlamasligini ta’kidlab, bunday qadam hech qanday foyda keltirmasligi va vaziyatni yanada yomonlashtirishini ta’kidladi.

“Agar Rossiyada, ayniqsa, Belarusda ham kimdir ittifoq ertaga birlashamiz, Kremlda hukmronlik bo‘ladi va hokazo, deb o‘ylayotgan bo‘lsa... Eshiting, men “ketadigan” prezidentman, lekin mutlaqo ishonchim komilki, mendan keyin kim kelmasin, bu pozitsiya qo‘llab-quvvatlanmaydi. Ikki suveren, mustaqil davlat. Biz kuchli bo‘lishimiz uchun shunday suveren, mustaqil davlatlar ittifoqini yaratish borasida aqlli, bilimli xalqmiz. Xotirjamlik bilan borishimiz, yuzaga kelgan muammolarni hal qilishimiz kerak”, — dedi u.

Eslatib o‘tamiz, 2016 yilda Rossiya Kommunistik partiyasi raisi Gennadiy Zyuganov Qozog‘iston, Rossiya, Belarus va Ukrainani o‘z ichiga olgan ittifoq davlatini tuzishni taklif qilgan edi. 2021 yil noyabr oyida Belarus va Rossiya prezidentlari Ittifoq davlatining integratsiya haqidagi farmonini imzolagan. “Zamin” yangiliklarini “Telegram”da kuzatib boring