Zelenskiy: “Frontdagi vaziyat oxirgi uch oyga qaraganda ancha yaxshi”

^{Foto: AFP}
Ukraina prezidenti Vladimir Zelenskiy Fransiyaning Ukraina harbiylari Rossiya armiyasining mamlakat sharqidagi hujumini to‘xtatishga muvaffaq bo‘lganini aytdi. Bu haqda u BFMTVga bergan intervyusida ma’lum qildi.

“Frontdagi vaziyat oxirgi uch oyga qaraganda ancha yaxshi”, — dedi Zelenskiy.

Siyosatchi ukrain harbiylari “artilleriya snaryadlari yetishmasligi, havo hududining blokirovka qilinishi, Rossiyaning uzoq masofaga uchuvchi qurollari va dronlarining zichligi yuqoriligi tufayli” qiyinchiliklarni boshdan kechirayotganini aytdi.

Zelenskiyning so‘zlariga ko‘ra, agar Ukraina qurolli kuchlari yetarlicha yordam olmasa, vaziyat “bir oy yoki bir hafta” ichida o‘zgarishi mumkin. Rus qo‘shinlari Donetsk viloyatidagi Avdeyevka shahrini egallab olgandan so‘ng hujumlarni davom ettirmoqda.

AQSH Kongressi Kiyevga harbiy yordamning yangi paketini tezda ma’qullamoqchi emasligi va Yevropa davlatlarining snaryadlar yuborish bo‘yicha o‘z va’dalarini bajara olmagani fonida Ukraina o‘q-dorilarning keskin taqchilligini boshdan kechirmoqda. “Zamin” yangiliklarini “Telegram”da kuzatib boring