Foto: Depositphotos
Germaniya hukumati qochqin maqomini olish huquqiga ega bo‘lmagan afg‘onlarni Tolibon bilan to‘g‘ridan to‘g‘ri kelishuvlarsiz ortga qaytarish uchun O‘zbekiston bilan muzokaralar olib bormoqda, deya Bloomberg xabar berdi.
Nashrning yozishicha, may oyining oxirida Germaniya IIV vaziri Nensi Fezer buyrug‘i bilan Germaniya delegatsiyasi Toshkentga kelib, O‘zbekiston hukumati bilan tegishli reja yuzasidan muzokaralar o‘tkazgan.
"Nemis delegatsiyasi O‘zbekiston hukumatiga maxsus reja taklif qilgan bo‘lib, bu reja Germaniyaning Afg‘onistondan kelgan nomzodlarni charter reyslar yordamida Toshkentga yetkazish imkonini berishi mumkin. Bu Germaniyaning “Tolibon” hukumati bilan to‘g‘ridan to‘g‘ri muloqot qilishini talab qilmaydi", — deyiladi xabarda.
Germaniya delegatsiyasi Toshkentdan qaytib, muzokaralar samarali o‘tganini va O‘zbekiston hukumati yordam berishga va’da berganini ma’lum qilgan.
O‘zbekistonning talablari
Nashrga ko‘ra, O‘zbekiston mamlakatdan Germaniyaga malakali kadrlar borishini tartibga soluvchi rasmiy migratsiya kelishuvini imzolashni ilgari surgan. Bunday kelishuv ustida bir necha oylardan beri ish olib borilmoqda. Germaniya federal hukumatining migratsiya kelishuvlari bo‘yicha maxsus vakili Yoaxim Shtamp muzokaralarni davom ettirish maqsadida O‘zbekistonga tashrif buyurishi kutilmoqda.
Germaniyadan muhojirlarni deport qilish masalasi
Germaniyada boshpana olish huquqiga ega bo‘lmagan muhojirlarni chiqarib yuborish zarurati afg‘on fuqarosi may oyining oxirida Mangeymda islomni tanqid qiluvchi tashkilot mitingiga hujum qilib, o‘lim holati kelib chiqqanidan keyin yana kun tartibiga qaytgan edi.
"Agar jinoyatchilar Suriya yoki Afg‘onistondan kelgan bo‘lsa ham, ular deport qilinishi kerak", — deya ta’kidlagan Germaniya kansleri Olaf Shols.
Hozirda Germaniyada yashovchi 13 mingga yaqin afg‘on vataniga qaytishga majbur bo‘lishi mumkin, lekin ko‘plarining statusi oila ajralishiga olib kelishi yoki afg‘onistondagi xavfli vaziyat tufayli hozircha ularni deportatsiya qilish mumkin bo‘lmagan deb hisoblanadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lionel Messi: "Mendagi bu xarakter farzandlarimga xam o‘tgan"
Nima uchun jismoniy mashqlar va uqalash bel og‘rig‘idan xalos etmaydi?
Ortiqcha vaznni yo‘qotishda samarali bo‘lgan 10 ta layfxak
“Manchester Siti” rahbarlari “Real”ni “uxlatmoqchi”
Ukraina «kelishuv» qurboni bo‘lishi mumkin. Yevroda guruh bosqichining so‘nggi kuni
Yevro—2024. Germaniya Shveysariya bilan durang o‘ynadi, Vengriya esa Shotlandiyani mag‘lub etdi
Qarshi davlat universitetida pichoqlangan qizning ahvoli haqida ma’lumot berildi
Mo‘g‘uliston prezidenti Mustaqillik monumenti poyiga gul qo‘ydi
