![Xillari Klinton Kamala Xarrisga «shisha shiftni» sindirish vaqti kelganini aytdi](/uploads/posts/2024-08/x596eab626c_4i35pxms8be1vpvztrqcrvcw44iied3f.webp.pagespeed.ic.MPSHmOvG7X.webp)
Foto: Getty Images
AQSH sobiq davlat kotibi Xillari Klinton Demokratik partiya milliy qurultoyida Kamala Xarris vanihoyat birinchi ayol prezidentga aylanib, Amerikadagi «eng baland va mustahkam shisha shiftni» sindira olishini aytdi.
Klintonning ma’lum qilishicha, u yirik partiya nomidan prezidentlik lavozimi uchun nomzodlikni ilk bor qo‘lga kiritgan ayol sifatida o‘zining «shisha shiftini» parchalagan. «Birimiz uchun to‘siq yanchib o‘tilsa, u barchamizga yo‘lni ochib beradi», — deydi u sakkiz yil oldingi qurultoyda so‘zlagan nutqini takrorlab.
Xillari Klinton 2016 yilda prezidentlik lavozimi uchun nomzodini qo‘ygan ayol sifatida tarixga kirgan bo‘lsada, oxir-oqibat saylovlarda Donald Trampga mag‘lub bo‘lgan. Endi Demokratik partiya yana bir bor ayol kishini Oq uy rahbarilavozimiga nomzod sifatida ko‘rsatayotgan paytda u mash’alani topshirish vaqti kelganini aytmoqda.
«Birgalikda eng baland va eng mustahkam shisha shiftda ko‘plab yoriqlar ochdik. Shisha shift ortida Kamala Xarris qo‘llarini ko‘targan holda Qo‘shma Shtatlarning 47-prezidenti sifatida qasamyod qabul qilmoqda», — deydi Klinton.
BBC bilan suhbatlashgan siyosatchi ayollar va delegatlar ham davlat lavozimlariga nomzod bo‘lishda, ham o‘z jamoalariga xizmat qilishda qator to‘siqlarga duch kelishlarini aytdi. Michigan shtatidan saylangan senator Mellori Makmorrou 2018 yilda prezdentlik uchun nomzodini ilgari surganida, okrugdagi ayollardan biri undan farzand ko‘rishni rejalashtirayotgani bilan qiziqqan.
«U yuzimga qarab, bu ish onalar uchun emasligini aytdi», — deydi Makmorrou. U Michigan tarixida o‘z lavozimida bo‘la turib farzand dunyoga keltirgan ikkinchi ayolga aylandi.
Xillari Klinton 2016 yilda prezidentlik poygasi vaqtida tashqi ko‘rinishi, kiyinishi va hatto ovozi borasida tandiqlar domida qolgandi. Ohayo shtatidan delegat Deloris Xadsonga ko‘ra, saylovchilar Klintonni nafaqat shaxsiy vakolatlari, senator va AQSH davlat kotibi lavozimidagi faoliyatiga qarab, balki turmush o‘rtog‘i, sobiq prezident Bill Klinton bilan munosabatlariga qarab ham baho bergan.
Xadsonning ta’kidlashicha, ko‘plab ayollar Xillarini turmush o‘rtog‘ining Monika Levinski bilan munosabatlaridan xabar topganidan keyin ham aloqani uzmagani uchun qoralagan.
2016 yilda Klintonning Trampga mag‘lub bo‘lishi o‘zgarishlar uchun katalizator bo‘lib xizmat qildi. U butun mamlakat bo‘ylab ayollar yurishlariga va 2018 yilgi saylovlarda rekord miqdordagi ayol nomzodlarning ishtirok etishiga turtki bo‘ldi. Hozirda Vakillar palatasining 28,5 foizni ayollar tashkil etadi, 2017 yilda ularning soni 19,1 foizga teng edi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Superliga. "So‘g‘diyona" safarda "Neftchi"ni yirik hisobda mag‘lub etdi расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Superliga. "So‘g‘diyona" safarda "Neftchi"ni yirik hisobda mag‘lub etdi
![Frontdagi vaziyat: Ukraina qurolli kuchlari katta tavakkalchilik qilmoqda расм](/uploads/posts/2024-08/x09ac8d2164_yzym813estj8ja_irnrxm2lpip-dwuqo.webp.pagespeed.ic.JfmyxPg2kY.webp)
Frontdagi vaziyat: Ukraina qurolli kuchlari katta tavakkalchilik qilmoqda
![Britaniya diplomati hukumat Isroilga qurol sotgani uchun iste’foga chiqdi расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Britaniya diplomati hukumat Isroilga qurol sotgani uchun iste’foga chiqdi
![O‘zbekistonda 20 avgust kuni qanday ob-havo bo‘lishi ma’lum qilindi расм](/uploads/posts/2024-08/xbecdfc9c7f_920__95_4194481678.webp.pagespeed.ic.uCTN4WdrO3.webp)
O‘zbekistonda 20 avgust kuni qanday ob-havo bo‘lishi ma’lum qilindi
![Rossiya Ukrainadagi urush bo‘yicha muzokaralar olib borilayotganini rad etdi расм](/uploads/posts/2024-08/x59d2e0fccb_2pzkbwu7lvonxs6rpjnqwjgs_v-kcuhp.webp.pagespeed.ic.rdl2H5-xMS.webp)
Rossiya Ukrainadagi urush bo‘yicha muzokaralar olib borilayotganini rad etdi
![Abbosbek Fayzullayev Moskvada yashash xarajatlari qimmatligini aytdi расм](/uploads/posts/2024-08/xddf59dbde0_3312-_jrda7jv.webp.pagespeed.ic.-YTiJ-021c.webp)
Abbosbek Fayzullayev Moskvada yashash xarajatlari qimmatligini aytdi
![Isroil va Hamas muzokaralari: AQSH va vositachilar optimistik kayfiyatda расм](/uploads/posts/2024-08/x56a4364e02_ow6wj7v7wzplra7f51kfhruljvrtrog9.webp.pagespeed.ic.aYcHN52qRC.webp)
Isroil va Hamas muzokaralari: AQSH va vositachilar optimistik kayfiyatda
![Isroil 450 ming falastinlikni «xavfsiz zona»dan ko‘chib ketishga majbur qilmoqda расм](/uploads/posts/2024-08/x2f79929226_fue1zkj3efkm3wg6nmqn5gb-b6p24z9t.webp.pagespeed.ic.a90P_z4F3d.webp)
Isroil 450 ming falastinlikni «xavfsiz zona»dan ko‘chib ketishga majbur qilmoqda