Foto: Valentyn Ogirenko/REUTERS
Ukraina qurolli kuchlari Rossiya armiyasining Donetsk viloyatidagi Pokrovsk yo‘nalishida yurishini to‘xtatdi, dedi Ukraina qurolli kuchlari bosh qo‘mondoni, general-polkovnik Aleksandr Sirskiy 5 sentyabr, payshanba kuni CNN telekanaliga bergan intervyusida.
«So‘nggi olti kun ichida dushman Pokrovsk yo‘nalishi bo‘yicha bir metr ham ilgarilamadi, boshqacha aytganda, bizning strategiyamiz ishlamoqda», dedi Sirskiy Ukrainaning Rossiya Federatsiyasi Kursk viloyatidagi harbiy amaliyotiga ishora qilib. Harbiy rahbar uni «muvaffaqiyatli» deb atadi. Sirskiyning so‘zlariga ko‘ra, Ukraina qurolli kuchlarining Kursk viloyatiga bostirib kirishi Rossiya Federatsiyasi tomonidan «hujum qilish xavfini kamaytirdi» va uni boshqa yo‘nalishlardan kuchlarni o‘tkazish imkoniyatidan mahrum qildi. «Biz artilleriya hujumlari soni va hujumning shiddati kamayganini ko‘rmoqdamiz», dedi bosh qo‘mondon.
Sirskiy Kursk yaqinidagi operatsiyaning beshta maqsadini aytdi
General Sirskiy CNN telekanali bilan suhbatda Ukraina qurolli kuchlari Rossiya hududiga bostirib kirishi chog‘ida amalga oshirgan beshta maqsadni aytib o‘tdi: Rossiyaning Kursk viloyatidan yangi hujum uchun tramplin sifatida foydalanishiga yo‘l qo‘ymaslik; rus qo‘shinlarini boshqa yo‘nalishlardan olib chiqish; xavfsiz hududni yaratish, shu bilan Ukrainadagi tinch aholi nishonlarini o‘qqa tutishning oldini olish; rossiyalik harbiy xizmatchilarni qo‘lga olish va nihoyat, «Ukraina armiyasi va butun xalqning jangovar kayfiyatini» ko‘tarish.
ISW: Rossiya qo‘shinlari Pokrovsk yaqinida muvaffaqiyatga erishdi
Avgust oyining oxirida Aleksandr Sirskiy Pokrovsk yaqinidagi «qattiq janglar» haqida xabar berdi. Shu bilan birga, Amerika urushni o‘rganish instituti (ISW) Rossiya qo‘shinlari Donetsk viloyatida bu yo‘nalishda «katta taktik muvaffaqiyatlarga erishganini» ta’kidladi. 1 sentyabr kuni Britaniya Mudofaa vazirligi Rossiya quruqlikdagi kuchlari «Pokrovskdan 10 km uzoqlikda joylashganligi ehtimoli yuqori», deb xabar berdi.
Ukrainaning Kursk viloyatidagi hujumi
Ukraina harbiylari 6 avgust kuni Kursk viloyatiga bostirib kirdi. Bu Rossiyaning 2022 yil fevralida Ukrainaga qarshi keng ko‘lamli urushi boshlanganidan beri bunday turdagi birinchi hujumdir. 27 avgust kuni Ukraina qurolli kuchlari bosh qo‘mondoni Aleksandr Sirskiy Rossiyadagi 1294 kvadrat metr hudud va 100 ta aholi punkti Ukraina nazoratida ekanligini ma’lum qildi.
Ukraina prezidenti Volodimir Zelenskiy Ukraina qurolli kuchlari asosiy maqsadini Rossiya Federatsiyasining chegaradosh hududida «bufer zonasini yaratish» deb atadi. Uning so‘zlariga ko‘ra, ushbu operatsiya Sumi viloyati bir qismi bosib olinishi oldini olishga yordam bergan. Shu bilan birga, Zelenskiy so‘zlariga ko‘ra, Kiyevning rejalarida Kursk viloyati bir qismini qo‘shib olish emas, balki ushlab qolish ham bor. Rossiya va Ukraina urushi “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
