Netanyahu BMTda Eronga Isroilning «qo‘li uzunligi» bilan tahdid qildi

^{Foto: AP}
Isroil bosh vaziri Binyamin Netanyahu Eron hujum qilsa, qattiq javob qaytarilishi bilan tahdid qildi. Isroil hukumati rahbari 27 sentyabr, juma kuni Nyu-Yorkda BMT Bosh assambleyasidagi chiqishi chog‘ida «Tehrondagi zolimlarga bir xabarim bor: agar siz bizga hujum qilsangiz, biz ham sizga hujum qilamiz. Eronda Isroilning uzoq qo‘li yetib bora olmaydigan joy yo‘q va bu butun Yaqin Sharqqa tegishli», dedi.

Netanyahu, shuningdek, xalqaro hamjamiyatni ham mamlakat ichida fuqarolarga zulmga, ham Tehronning tashqi tajovuziga e’tibor bermay, uni tinchlantirishga urinayotganini tanqid qildi. Isroil bosh vaziri, shuningdek, Xalqaro jinoiy sud bosh prokurori Karim Xonni «sof antisemitizm»da ayblab, Netanyahuni hibsga olish uchun order berishni so‘raganini ta’kidladi.

Netanyahu: BMT «takabbur fars»ga aylandi

Netanyahu o‘z nutqi davomida jahon tashkilotining Isroilga nisbatan adolatsiz, o‘z fikricha, munosabatini qoralab, BMT «takabbur fars»ga aylanganini qo‘shimcha qildi. «Isroil yahudiy davlatiga boshqa davlatlar kabi munosabatda bo‘lmaguncha, bu antisemitizm botqog‘i qurimaguncha, BMTni takabbur farsdan boshqa narsa emas, deb hisoblaydi», dedi Isroil bosh vaziri. “Zamin” yangiliklarini “Telegram”da kuzatib boring