Foto: AP
28 sentyabr, shanbaga o‘tar kechasi Isroil mudofaa kuchlari (SAHAL ) Livan janubida «Hizbulloh» raketa bo‘linmasi qo‘mondoni Muhammad Ali Ismoil va uning o‘rinbosari Husayn Ahmad Ismoil yo‘q qilinganini ma’lum qildi. Aytilishicha, ular bilan birga guruhning o‘sha bo‘linmasining yana bir qancha komandirlari yo‘q qilingan.
«Muhammad Ali Ismoil Isroil davlatiga qarshi ko‘plab terrorchilik xurujlari, jumladan, Isroil hududiga raketa hujumi uyushtirish va chorshanba kuni Isroil markaziga «yer-yer» sinfidagi raketa uchirilishi uchun javobgardir», — deyiladi SAHALning Telegram-kanalida.
«Hizbulloh» yetakchisi o‘ldirildimi?
Avvalroq Isroil harbiylari Livan poytaxti Bayrut chekkasida joylashgan «Hizbulloh»ning markaziy qarorgohiga zarba berilgani haqida xabar qilgan edi. SAHAL matbuot kotibi Daniel Hagariyning aytishicha, «Hizbulloh» qarorgohi Dahiya hududidagi «uy-joylar ostida ataylab qurilgan».
Bir qator Isroil OAV havo hujumi natijasida «Hizbulloh» yetakchisi Hasan Nasrullohning o‘ldirilgani ehtimoli yuqori ekanligini xabar qilmoqda. Xususan, The Times of Israel gazetasi isroillik amaldorning so‘zlarini keltiradi: «U bunday zarbadan omon qolishini tasavvur qilish juda qiyin». Biroq Reuters va AFP axborot agentliklari guruhdagi manbalarga tayanib, Nasrullohning tirikligi haqida xabar bermoqda. Eronning Tasnim axborot agentligi ham guruh rahbari «xavfsiz» ekanini da’vo qildi.
Livan Sog‘liqni saqlash vazirligining dastlabki ma’lumotlariga ko‘ra, Isroilning 27 sentyabr kuni uyushtirgan hujumi natijasida ikki kishi halok bo‘lgan, yana 76 kishi jarohatlangan, deb xabar beradi dpa.
Netanyahu: Isroil «Hizbulloh»ni yo‘q qilishga «to‘liq haqli»
Binyamin Netanyahu 27 sentyabr kuni BMT Bosh Assambleyasidagi nutqi chog‘ida Isroil «isroilliklarni Livan bilan chegaradagi uylariga qaytarish uchun «Hizbulloh»ni yo‘q qilishga to‘la haqli», deb ta’kidladi. «Terrorchilar El-Paso va San-Diyego (Meksika bilan chegaradosh Amerika shaharlari)ni arvoh shaharlarga aylantirgan holatni tasavvur qilib ko‘ring. AQSH hukumati bunga qachongacha chidagan bo‘lardi?» dedi u. So‘ngra Isroil «bir yildan beri bu chidab bo‘lmas vaziyatga chidab kelayotganini» qo‘shimcha qildi.
Netanyahu AQSHga tashrifini qisqartirib, Isroilga rejalashtirilganidan erta qaytishga qaror qildi.
26 sentyabr kuni AQSH, G7 davlatlari va bir qator Yaqin Sharq mamlakatlarni Isroil va «Hizbulloh» o‘rtasida zudlik bilan o‘t ochishni to‘xtatib, muzokaralarni boshlashga chaqirdi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Italiya sudi Quddus Isroil poytaxti emasligi haqida qaror chiqardi
Shavkat Mirziyoyev Rossiya bosh prokurori bilan uchrashuv o‘tkazdi
22 noyabr kuni Cobalt avtomobiliga shartnoma ochilishi e’lon qilindi
2026 yilda bo‘lajak mundialning favoritlari reytingi taqdim etildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
