Foto: Mohammed Zaatari/AP
Livanning «Hizbulloh» guruhi o‘zining marhum rahbari Hasan Nasrullohning jasadini topdi. Bu haqda 29 sentyabr, yakshanba kuni Reuters va AFP axborot agentliklari harakatning o‘zidagi manbalariga tayanib xabar berdi. Ularning so‘zlariga ko‘ra, Nasrullohning tanasida ochiq jarohatlar yo‘q. Bu uning portlash to‘lqini ta’siridan o‘lgan bo‘lishi mumkinligini anglatadi.
«Uning jasadi shanba kuni topildi», dedi «Hizbulloh» manbasi jurnalistlarga. Unga ko‘ra, Nasrulloh bilan vidolashuv va dafn marosimining sanasi hali belgilanmagan.
Nasrulloh 27 sentyabr kuni Isroil mudofaa kuchlari (SAHAL) harakatning Bayrut chekkasida joylashgan yerosti qo‘mondonlik markaziga havo hujumi uyushtirishi natijasida halok bo‘ldi. Guvohlarning so‘zlariga ko‘ra, «Hizbulloh» qarorgohidan faqat xarobalar va 30 metr chuqurlikdagi ulkan o‘ra qolgan. Nasrulloh Livandagi harakatga 30 yildan ortiq rahbarlik qilgan. U bilan birga guruhning yana bir qancha yuqori martabali qo‘mondoni, shuningdek, Eron ma’lumotlariga ko‘ra, Islom inqilobi muhofizlari korpusi qo‘mondoni o‘rinbosari halok bo‘lgan.
Isroil Livan hududiga hujum qilishda davom etmoqda
29 sentyabr kuni Isroil mudofaa kuchlari Livan janubida «Hizbulloh»ning yana 120 ta nishoniga zarba yo‘llagani haqida xabar berdi. Bu nishonlar orasida jangchilar qo‘mondonlik punktlari, qurol-yarog‘ omborlari va infratuzilma bo‘lgan, deya aniqlik kiritdi SAHAL.
Bundan tashqari, Isroil harbiylari guruhning yana bir qo‘mondoni Nabil Kaukning yo‘q qilinganini e’lon qildi. «Hizbulloh» hozircha bu ma’lumotga izoh bermadi, biroq harakat tarafdorlari bir kun avval Kaukning o‘limi haqidagi xabarlarni chop etishdi.
Al Jazeera telekanali Livan Sog‘liqni saqlash vazirligiga tayanib, Isroilning Livandagi kun davomida bergan zarbalari natijasida 77 kishi halok bo‘lganini ma’lum qildi. Ulardan qanchasi «Hizbulloh» jangchilari ekanligi aniqlanmagan.
Shuningdek, Isroil harbiylari Livandan Isroil shimoliga otilgan snaryadni tutib olgani haqida xabar berishdi. Eng yirik port shahar Hayfa va uning atrofida sirenalar yangradi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Husiylar Isroil aviabazasiga gipertovushli raketa bilan zarba berdi
Turkiya o‘zining birinchi kvant kompyuterini taqdim etdi
Har payshanba jismoniy tarbiya va sport kuni sifatida belgilanadi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
