Netanyahu: SAHAL «Hizbulloh»da Rossiya qurollarini topdi

^{Foto: Hussein Malla/AP/picture alliance}
Isroil mudofaa kuchlari (SAHAL) askarlari «Hizbulloh» tashkiloti jangchilari bazalarini tintuv qilish chogʻida Rossiyaning «eng zamonaviy» qurollarini topdi, dedi Isroil bosh vaziri Binyamin Netanyahu 16 oktyabr, chorshanba kuni Frantsiyaning Le Figaro gazetasiga bergan intervyusida.

Siyosatchining soʻzlariga koʻra, BMTning 2006 yildagi rezolyutsiyasiga koʻra, Isroil va Livan chegarasidan oqib oʻtuvchi Letani daryosining janubida faqat Livan armiyasida qurol-yarogʻ boʻlishi mumkin. «Ammo, «Hizbulloh» bu hududda yuzlab tunnel va yashirin joylar qazdi, u erda biz hozirgina zamonaviy rus qurollarining bir nechtasini topdik», — deya uning soʻzlarini keltiradi nashr.

Avvalroq The Washington Post (WP) Isroil rasmiylariga tayanib, Livan janubida SAHAL harbiy amaliyoti chogʻida Rossiya va Xitoyning tankka qarshi qurollari topilgani haqida xabar bergan edi.

OAV: Isroil Eronning yadroviy inshootlariga zarba bermaydi

Isroil Eronga javob zarbasi berishda yadroviy yoki neft emas, balki Islom Respublikasining harbiy ob'ektlarini nishonga oladi. Bu haqda Isroil bosh vaziri Binyamin Netanyahu AQSh prezidenti Jo Baydenga ma'lum qildi, deb yozdi The Washington Post 15 oktyabrga oʻtar kechasi. Aftidan, gap ikki etakchi oʻrtasida 9 oktyabr kuni boʻlib oʻtgan telefon muloqoti haqida ketmoqda.

Isroilning faqat Eron harbiy ob'ektlariga hujum qilish rejasi Vashingtonda «engillik» bilan kutib olindi, deb yozadi WP. Nashrning qayd etishicha, tahlilchilar Eron neft obektlariga hujum dunyoda energiya narxining oshishiga, yadroviy inshootlarga hujum esa yanada keskinlashuvga olib kelishi va Qoʻshma Shtatlarni mojaroga tortishi mumkinligidan xavfsiragan. Bayden avvalroq Isroilni «boshqa variantlar haqida oʻylashga» chaqirgan edi.

The Washington Post nashriga koʻra, Netanyahu hozir egallagan «nisbatan vazmin pozitsiya» AQSh prezidentining Yaqin Sharqdagi ittifoqdoshiga THAAD raketaga qarshi kuchli mudofaa tizimini yuborish qaroriga ta'sir koʻrsatdi. Pentagon 13 oktyabr kuni Isroilda THAAD batareyasi joylashtirilishini ma'lum qildi.

Vashingtondagi manbaning WP nashriga aytishicha, Isroilning Eronga zarbasi AQShda 5 noyabrga belgilangan prezidentlik saylovlari oldidan amalga oshirilishi kerak. Agar Isroil oʻz hududining ommaviy oʻqqa tutilishiga javob bermasa, Tehron buni zaiflik belgisi sifatida talqin qilishi mumkin, deb yozadi gazeta. Bundan tashqari, Qoʻshma Shtatlar bilan maslahatlashuvlar natijasida Isroil «yaqin haftalarda» Livandagi operatsiyasini toʻxtatishini e'lon qildi, deb yozadi gazeta. “Zamin” yangiliklarini “Telegram”da kuzatib boring