Ikkinchi turda amaldagi prezident va sobiq prokuror prezidentlik uchun kurashadi.
AQSH Rossiyani Moldovada 20 oktyabr kuni bo‘lib o‘tgan saylovga turli yo‘llar bilan aralashish hamda fuqarolarning suveren huquqidan foydalanishga to‘sqinlik qilishda aybladi.
Davlat kotibi Entoni Blinken bayonotida Moskva Moldovada o‘tadigan prezidentlik saylovining ikkinchi turiga ham aralashishi mumkinligi borasida xavotir bildirilgan.
«Rossiya Moldovada saylov va referendumni buzish, demokratiyaga zarba berish uchun qo‘lidan kelgan barcha choralarni ishga soldi. Jumladan, noqonuniy moliyalash, ovozlarni sotib olish, dezinformatsiya va kiberhujumlar uyushtirdi», – deyiladi AQSH bosh diplomati bayonotida.
Blinkenga ko‘ra, Qo‘shma Shtatlar Moldovani «xavfsiz, farovon va demokratik kelajak» yo‘lida qo‘llab-quvvatlashda davom etadi.
20 oktyabr kuni bo‘lib o‘tgan prezidentlik saylovida amaldagi prezident Mayya Sandu 42,45 foiz, uning asosiy raqibi, mamlakat sobiq prokurori Aleksandr Stoyanoglo 25,98 foiz ovoz oldi.
Nomzodlarning birortasi g‘alaba uchun yetarli ovoz yig‘a olmagani uchun 3 noyabr kuni saylovning ikkinchi turi o‘tkaziladi.
20 oktyabrda Moldovaning Yevropa Ittifoqiga integratsiyasi masalasi ham ovozga qo‘yildi. Referendumda qatnashgan elektoratning 50,38 foizi Kishinyovning yevrointegratsiya siyosatini yoqladi.
Avval xabar berganimizdek, prezident Mayya Sandu saylov natijalari e’lon qilinganidan so‘ng jinoiy to‘dalar xorijdagi kuchlarning o‘nlab mln yevro ko‘magi bilan Moldovada boshboshdoqlik va tartibsizlikni yuzaga keltirishga uringani haqida bayonot bergandi.
AQSH o‘tgan yili ham Rossiya razvedkasiga aloqador shaxslar Moldovada ommaviy namoyishlar o‘tkazish orqali hukumatni ag‘darish va davlat tepasiga kremlparast ma’muriyatni keltirishni ko‘zlayotganidan ogohlantirgandi. Vashingtonga ko‘ra, Kreml YEI bilan hamkorlikni yanada kuchaytirishga intilayotgan Sandu hukumatini zaiflashtirishga urinmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Italiya sudi Quddus Isroil poytaxti emasligi haqida qaror chiqardi
Xalqaro jinoyat sudining orderi Isroilni nega qo‘rqityapti?
2026 yilda bo‘lajak mundialning favoritlari reytingi taqdim etildi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
22 noyabr kuni Cobalt avtomobiliga shartnoma ochilishi e’lon qilindi
